قلبي طربه الجو

[أبن مزحـــــــــم]

بسم الله الرحمن الرحيم

أما بعد،،،

من دوون مقدمات وددت أن أترك بمقدمات مشاركاتي لكم هذه لأستمتاعكم لأنغام هذه المعاني المتعطشه لقارئيها وأفكارها البسيطه لتلامس شغاف قلوبكم اللطيفه ومستقبله بأستقبال أطراءاتكم الجميله لها،،،

وأترككم مع القصيده ألا وعنوان هذه القصيده
(قلبي طربه الجو)

جاني نبا هدهـد سليمـان تـوْه=ذعذاع نسناسه يسـار ويمينـي
بعلوم ذوق الآدمي مـن سلـوْه=قليل من شابـه بذوقـه ثنينـي
هذا تعلق فـي هـواه المتـوْه=مايميْز دروبه بشينـي وزينـي
بيتآ مشيْد نورها شـبْ ضـوْه=لاشيف ضوْي عابرآ لي يجينـي
والجار يقبل من دنيـن العلـوْه=صوت النجر لادنْ جو مقبلينـي
والروح مبسوطه بحضرة سموْه=بحضور من يبهج بواقي سنيني
يامرحبا ياراعي الكيـف سـوْه=عدْه علـى شرابتـه سوقتينـي
والثالثـه دوره ليـا زان جـوْه=والرابعـه تنسـاق ياشاملينـي
الأولـي قالوبهـا كيـف خـوْه=والثانيه هي ضيف ياعارفينـي
والثالثه هيفـآ وتعـرف حلـوْه=والرابعه كالسيف لاشاب عينـي
واليا قضـى ملزومهـم لاتنـوْه=فـي مايجمْـل عدْهـا بثمينـي
وجلب حلاها كاان فيهـا غلـوْه=ماعيْبـت؟ نومـاس للعارفينـي
لاقام ضيفـك كرْمـه بالبـدوْه=واليا انتهى صوْت على الأقربيني
والعود الأزرق ماشينْ بسْـروه=يعجبك دخانـه وريحـه يبينـي
وعلوم تطلع من لسان المفـوْه=سوالفً تطرب لهـا السامعينـي
هذا هـوا بالـي وكـلآ طـروْه=فيما سعد بالـه بنفسـه يدينـي
قلبي طربه الجو ويضيق جـوْه=لاغاب ضوْه غاب حاجات فينـي

وسلامـــتكم وكما أرجو أن أستمتعتو بهذه القصيده ونالت على أعجابكم بأذن الله،،،


أخوكم:محمد ضاحي الغبيوي العتيبي