حــكــم القــدر

[داهية عتيبة]

هم السنة ياعبيد في سبعة أيام=لاجيت أبا أمرح تالي الليل مغبون
أسهر طوال الليل ياعبيد ما نام=مغير أهوجس وأرفع الصوت بلحون
كني سجين ساجنة حكم الأعدام=جاله ثمان سنين ياعبيد مسجون
حكم القدر حطه على كف الاجرام=ماهوب مجرم لا كن أبليس ملعون
بحر الشقا في وصطها صار عوام=بالصبح عاقل وأخر الليل مجنون
قالوا هل المذبوح من دونه أيتام=أما رضوا ولا رضينا بمليون
حكم الولد كنة على حكم صدام=عايش يتيم وداخل الحقد مكنون
صارت نجاتة ماتردد بالأوهام=والناس قاموا بالوصاة يتنادون
لفوا علية الأسلسة بين الأقدام=ينخا هل المذبوح تكفون تكفون
قالوا وصاتك قبل تشهد بالأسلام=يبكي عيالة وأغلب الخلق يبكون
على ألذي لا شفت زولة بالأحلام=أفز من نومي كما شخص مطعون
ماكنة ألا واحدن من هل الشام=غرون ذبحني ناعس الطرف مزيون
لجلة نسوم الروح ونزيد الأسوام=من نظرتة ياعبيد أمسيت مفتون
لو شفت غيرة طاح حظي ولا قام=تدري أحبة وأكثر الناس يدرون
أطبع حروف الزين من قبلة العام=أسمة ثلاث حروف والرابع النون