قصيدة مراهق!!!!!

[سيف العدل]

هذي قصيدة شاب مراهق يحب السفر ولاكن بنفس الوقت وفي للدياره نجد العذيه





يانجد صيفك يقطع القلب حرّه *** شتان مـا بينـك ومـا بيـن بيـروت

أقفى ربيعك بالفرح والمسرّه *** وصيفك وصل بالعـج والحـر والمـوت

جوٍ سموم القيـظ دايـم تكـرّه *** وإليـا ركـد مـا كنـي إلا بتابـوت

وإليا لحقني فيك بعض المعرّه *** إسمحلي أرحل عـن فيافيـك بسكـوت

شهرين ابيها منك فالعام مرّه *** ألبس بها البنطال والبس بهـا الكـوت

آخذ على لبنان والشام فرّه *** وآكـل مـن الرمـان والخـوخ والتـوت

وأشوف ناسٍ فالبلد مستقـرّه *** سـوو لهـم فيهـا مقاييـل وبيـوت

وأمر دربٍ قدمي الزين مرّه *** ياكثر مـا شفتـه يجـي فيـه ويفـوت

زين وغنج وعيون حلوه وغرّه *** يمشي على كيفه مع النـاس مفلـوت

كنّه غرير ولاش علمٍ يغرّه *** لا خـاف مـن ربـه ولاهـوب مكبـوت

علقني بسحرة وخيرة وشرّه *** سحـرٍ ذكـر هـاروت شـرّه لمـاروت

وإليا إنتهى الميعاد بترك مقرّه *** واعصي هوى قلبٍ منه صار مبهـوت

واحزم شناط العفش والثوب أزرّه *** وارجع بشوقٍ من مدى شوق بخوت

ويانجد صيفك لو ذبحني بحرّه *** حييت في حضنك وفي حضنك المـوت




تحياتي000سيف العدل000