جاب الزمان الكارثه والمطمه

[مرزوق الجعيد]

السلام عليكم ورحمة الله وبركاته


اهدي هذه القصيده الى جميع زوار واعضاء منتديات قبيلة عتيبه


ارجو ان تحوز على رضاكم واستحسانكم





استلمو


[poet font="Simplified Arabic,5,black,normal,normal" bkcolor="transparent" bkimage="backgrounds/23.gif" border="none,4,gray" type=3 line=200% align=center use=ex length=0 char="" num="0,black" filter=""]
غابت ثمان سنيـن حل(ن)وترحـال
غابـت ثمان(ن)كلـهـا مدلهـمـه
قضيتها بالحـب والشـوق رحـال
شوق(ن) تحدى كل يائسـه وهمـه
سالت عنها حيـن وشهـور وليـال
ولا فيه قطرن كـود وجهـت يمـه
وعقب الثمان اللي شقاها برا الحـال
جاب الزمـان الكارثـه والمطمـه
جاني ولدها مبتسـم بيـن الاطفـال
ومن بسمته ذكرت انا بسمـة امـه
شفته وصاحت داخلي كـل الامـال
بصوت(ن) عجزت بكتم الانفاس المه
ركضت له دمعي على الخد منهـال
من زود شوقي صرت بالحيل اضمه
لحظة حضنته والطفل في يدي مـال
شميت ريحتها على اطـراف كمـه
واستلهمت نفسـي مقاديـم الاهـوال
وتم الضيـاع واكـدت لـي متمـه
وليت الزمان اللي شغل غربتي طال
ولادور العاشق علـى حـرق دمـه
اليوم بنت الناس فـي بيـت رجـال
حب(ن)على غير الشرف لي مذمـه
مجبور اعود واشتكي لكل الاجيـال
بنفس(ن) حزينـه كائبـه مستهمـه
برجع وحيد(ن) سكته بـر ورمـال
يمـوت يحيـا ينـدفـن مايهـمـه


للشاعر محمد البلاهـدي الحارثـي
[/poet]

وسلامتكم