من ديوان متنبي اعتيبه (( بندريات ))

[عبدالرحمن الهيلوم]

من ديوان متنبي اعتيبه (( بندريات ))

دوك الفرت

يامنير دوك الفرت واخذ الفواتير--- وافحص عليه ودخله بالقراجي
اللي يبي بنزين ركب مواصير --- واللي تبيه النار ركب بواجي
واليا ستعد وصخر البعد تصخير --- تصخير شيهان لفرخ الزراجي
حده على اللي مايعد المخاسير --- ركاز عمدان الخشب للنعاجي
ثم قل لبو بندر ترى وقتنا غير --- تبدلت سحب المطر بالعجاجي
قومه عتيبه شيوخهم مابهم خير --- لايدعي بشيوخ شيوخ الخراجي
تبكي سيوف سمرت نجد تسمير --- تسمير عود الساج في عود باجي
حدن محمد ابن هادي ورىالنير --- والفرم محسن عقبنه سواجي
ربع رسو بين الحفيفين يا منير --- ما سلمو لمدور الباج باجي
رحنا ندوج ونتسمى مناصير ---نمشي على البيدا بليا مزاجي
متى يجي في نجدبعض التغايير --- حتى يجي للصابرين انفراجي

----------

بالسلك يندار

يامنير عمر لي من التتن معمار 0000 يبري الغليل اللي على القلب كالي
ولارفعت الصوت وابديت ماصار 0000 من شان تدري ويش ولا بحالي
مكفاك مني سجتي بعض الامرار --- انهج جنوب وحاجتي بالشمالي
اركض مع الدنيا كما ركض دوار --- ياما كسب زندي وياما غدى لي
الله على اللي عايروها بالامتار ---- طراز بنج شغلت بالعدالي
زادو هواها واطعموها من النار --- حتى امبير المنجضع عد صالي
تشت سما ماجربوها مع القار --- طارت مطير الطير ربع الكحالي
تلفي على اللي في طرف هجر سنجار --- يشدي جبل سنجار بين الجبالي
باطراف بيته للمواجيب شنكار --- معلاق كبش عند راعيه غالي
ثم قل لبو بندر ترى الوقت دوار --- يفطن تراني منفعه لو شكا لي
ان زان وقته صار بالسلك يندار --- وان شان قص مروبعات الحبالي
كم واحد بين العماهيج هذار -- - مغترته نفسه بكبر الضلالي
يدلس على ربعه ويدنع بالآسوار --- ويعد نفسه من حساب الرجالي
كفه بخيل وقلبه أنجس من الفار --- أسود طرف وادغم من السرمدالي
هذاك بعده خير ماكنت بختار ---- اجزاه بالصدات وابعد مجالي
ابعد مجال الرجل عن كل هذار ---- واصبر على الصكات والعمر بالي
وليا وطني غير الآيام بأزوار -- غيري جماعه ماوطني لحالي
شفت الوزا واشتلت لي منه قنطار --- وان جيت اعدله شرق للغرب مالي
عبر على الدنيا من العسر لايسار-- ماظنتي فيها حرام وحلالي
حرام للفنجال سوقه ليا فار --- الا على اللي يرخصون الريالي
وانا اللذي ماقول في نجد شعار --- وان كان به شعار محد حكى لي