رسايل اص ام اص

[فهد رشيد الزلامي]

أنا ياحبايبي جتني ملاحظة بالجوال فيها أبيات مضحكة و ابيات زينة و اشياء حلوة عاد إن جازت لكم و إلا أقضبوا الباب ياحبي لكم بعد
هذي الابيات طبعا أنا من نظرتي الثاقبة و النظرة المحنكة المستقبلية أقول إن هالابيات يصلحن ترسل لحبيبك و إلا لحبيبتك ترى شرط يكون بالحلال مهب تغازل لك بنت و ترسل لها من هالابيات الحلوة ثم تخق معك و يصلحن بعد تحطهن بالماسنجر و يصلحن بعد إذا جيت تضبط لك دكتور بالجامعة والا مدرس / ـه بمدرسه والا ابوك في البيت قله بس حدا هالابيات و ماعليك
و يصلحن بعد للنفاس ..

أخليكم مع الابيات المختارة كونوا جاهزين :





(( كنـّك و كنـّي ياحبيبي مصاقيل *** كلما إنتلامس .. نبتعد وإنتفارق ))

(( يقول من عدا على راس برميل 0 برميلن اصفر يسكنه كل بسه
فيه القطاوه ياجماعه مقاييل 0 والبس بالبرميل ماوحيت حسه ))

(( قلبي قبل فرقاك ما ينقص الزيت ** واليوم ازيده في كل مشوار علبه ))

(( مرحوم يابسّن على الخط مدعوس ** له ثلاثة ايام ماحدن درا به ))

(( دفيتها قلت اذلفي لاتردين----ويلعن ابوها صدقتني وراحت ))

(( ياقطو ياللي منسدح في البراميل ... ماشفت خلي يوم كب الزباله ؟ ))

هنا الشاعر يقصد شغالة جيرانهم باين عليه طفران


(( حبي بناللك وسط قلبي عمارة *** ومن الغلى تحت العمارة دكاكين ))

(( شوقي عليكم شوق "شايب"على الشوؤن*** يبغى المعاش وضيّّع التابعيه ))

(( يا ليتني في جيبك ريال مقطوع:::يبقى معك ما يقبله اي دكان ))


(( قدرك كبير وفوق روسنا رفعناه __-عشان نوديه للمطبخ ونطبخ به عشانا ))

(( ان لم تكن في كل الامور ذا عزيمة == فما عندك اليوم ماعند جدتي ))

(( البنك لولا لوحته ماعرفناه == ==من قل ماندخل على موظف البنك
ماغير نقرا لوحته وانتعداه == ==وان قيل هذا البنك قلنا اتركه عنك ))

وهذي للشاعر ( الوردي )


(( ياقرب واشنطن ولندن وباريس== == حذفة عصا للي رصيدة ملايين
وياعز حالي للرجال المفاليس == == اللي تضايقهم وجيه الديايين ))

(( اضيق لي شفتك مع الناس مرتاح == وارتاح لا ضاقت عليك الوسيعه ))

(( لا صار جدك ما ذخر لك ملايين == ما هو بلازم تشتريله ضحيه ))

(( اصبحت انا من عقب فرقاك مجنون*** ماغير احذف بالحصى من نطحني ))

(( يانـــاس ياللي من السطوح وتطلون ^^^ اما انزلو ولا عليكم رقينا ))

(( شريت لي ثوبٍ على شان لقياك * والثوب راحت موضته ما لبسته!؟ ))

(( ما أنساك لو يسكن ولد بوش بطريف
ويسرح كلنتون بالغنم حول .. رفحا ! ))

(( أحزن على فرقاك مثل الوراعين*** لآ مروا الدكان وأسرع أبوهم ))

(( يامرحبا ترحيبةٍ تسبق الفار ,,, لا صار في دربة ثلاثين بسة ))

(( هات الذلول وهات قوطي سفن اب
نغزي ديار القوم وناكل جلكسي ))


(( شفت انكساري؟ يشبه لوضع صدام - رئيس دولة وانتهى في دقايق ))

(( فقع قلبي ثقل طينك ومع شينك طويل لسان "" تغلى ليش من زينك تحسبك قايد الغزلان ))

(( يالله من قلبي على الزين مذبوح == ذبحة خروف(ن) في نهار الضحية ))

(( عسى عدو مايحبني ولا يغليني @@@ أسمع ورى سلك المغذي ونينه ))

(( أنا رفيقك لا ضرب كهربك شوط000 أفزع بسكروبي وأفك الظفيرة ))

(( البوك فاضي والمعازيب قشران ** والقلب ضايع والمره عند أهلها ))

إبداع جمع البلاوي كلها في بيت واحد

(( كان الوعد مابيننا حذفة احجار .. ومن كثر شوقي له حذفت وفلقته ))

(( عنها حدوني جامعين الملايين ... وانا خذلني في هواها معاشي! ))

(( كل ماتدينت والمولى هداني .. ردني غض النهد للجاهليه ))