كرسي الاعتراف الحلقه الثالثه مع ابو مشعاب

[محمد العتيبي]

ابن البجاديه يامرحبا بك
وشرفتني يابن العم بمرورك العذب ..
..
بالنسبه لسؤالك فالجواب :
هي جميع قصائد الشاعر العلم :حبيب العازمي العتيبي ..
وخصوصا ..

الوجود اللي وجوده من غيابه=والغياب اللي غيابه من وجوده
بينهم فارق وفالمعنى تشابه =مثل مضمون الحراره والبروده
ياخيال ضوح برقه في سحابه=ما درج سيله ولا تسمع رعوده
لاغريب ولا عجيب ولا غرابه = فالخيال اللي من الواقع شهوده
ان هجرت الصمت جيت اطق بابه=وان بغيت الصمت مسكن في حدوده
مابقى فالوقت شي احسب حسابه =استوى فاللي بقي نقصه وزوده
انقلع ضرس البعير وطاح نابه =والغشيم اللي يسوقه ما يقوده
واستوى المسحوب غني ياربابه=المحب من الهوى يصفق خدوده
كان مانت بذيب تاكلك الذيابه =قالها اللي قالها ياسعيد حوده
وآعذاب اللي يفكر وآعذابه =فالزمان اللي يوقف له جنوده
كل يوم يقص الاطول من ثيابه =لو تعزوى بالثلاثه من جدوده
مابقى للصبر قدر ولا مهابه=والتسامح من يمره مايعوده
ولاحيا يفرض على الطيب رقابه = والردي قل الحيا يطلق قيوده
والشجيع اليا غضب يفقد صوابه=والكريم يجود ما يعلن بجوده