ابداعت في الغربه

[عبدالرحمن الهيلوم]

السلام عليكم
اثناء الغربه
قلت: للشاعر (( عبدالله ابن مرهب ))






ورى الحد السعودي في ديار اهل العيون الـزرق
اسج ابها القدم لوهي على اللي صـار مجبـوره
عليها كل ماشفت السحاب ونـاض فيهـا بـرق
سرابي هاجسي يـم الريـاض وقلـت ممطـوره
على بيت(ن) جنوب العاصمه وجهه جنوب وشرق
وانا حبي له اصلاً من محبة ساكـن(ن) سـوره
على طاريك ياذكر الرياض!! اليوم زان الطـرق
عسى ديرة هـل التوحيـد مرضيـه ومعمـوره
وعلى قلب الشقى هاتي وغني ياحمـام الـورق
عسى الله مايبارك فـي ديـار البعـد وقصـوره
ولا ياتل قلبي تـل جيـب(ن) عرضـوه العـرق
يسوقه واحد(ن) ياخذ زمام الشور مـن شـوره
يجنب عن شمال الطرق ويلقف ميمنـاة الطـرق
هجوسه تلعـب براسـه مثـل لعيبـة الكـوره
على بنت(ن) سواد عيونها خلّـى بقلبـي حـرق
مالوم ان القمر يوم استلف مـن خدهـا نـوره
ياعنك انّ الولي يوم افتردها حـط فيهـا فـرق
شبيهتها مرايتهـا!!! ولا!!!! ماتشبـه الصـوره
اذا طبّت حفل فاخر وهي بيـن البنـات الطـرق
تقول ان الهلال محضّـر وذا صـوت جمهـوره
واذا قامت تهادا بالمشـي يالضغـط حـوّل وارق
لهـا ذوق البرنسيسـه وبالملبـوس سنـيـوره
تمكن حبها بين الضلوع!!!! الاّ سرقنـي سـرق
ثمان سنين اكابدهـا تقـول اقـود لـي ثـوره
سواد العين يامـال السلامـه يالعيـون الـزرق
ديار(ن) مابها ريحة هلـي غبـراء ومهجـوره


وسلامتكم