قصبدة مبارك سعود المغيري

[معجب العتيبي]

هات القلم بكتب من الشعر طاروق =واحلا معان القاف تزها طروقه
وبسم الذي يسق المخاليق من فوق =بحمر السحاب وكاشف(ن)به ابروقه
ابدا بذكره وابني القاف من ذوق =ومن ماصنع هاجوس شعري وذوقه
واكتب وانا مبارك وربعي بني روق=وياعزوتي تكفون برقا وروقه
لطامت العايل وحمايت النوق =يوم الوغا عن بعض ناس(ن) سروقه
لي حق انا امدحهم ولي معهم احقوق=ومن له معي حقن ابياخذ احقوقه
ويامل قلب(ن) بين الاضلاع محروق =ومن مايخفي زايدات(ن) احروقه
من سبت اللي صادفتني مع السوق =وانا الذي وش جابني عند سوقه
امنولن سالي عن الحب معتوق =والنفس ماهي للمهاوا لحوقه
واليوم اناللي عاشق عيون مخلوق=وياليت نفسي من خطاها معتوقه
ويالله ياكاشف من المزنه ابروق=وبمرك علينا يهل ماها نذوقه
تعين من قلبه من الحب مسروق =ودموع عينه قوق خده سبوقه
ودرب(ن) مشابه وانتهابه على عوق =ودرب الهوا بالذات ياقو عوقه