المقناص
المقناص له مكانة خاصة في نفس الشاعر / ثواب بن طنف الجعيد رحمه الله يرى فيه سعادة ومتعة لأنه يبعده عن هموم المدينة
وصخبها . وفي المقناص راحة نفسية لايعرفها الا من لديه هذه الهوايه ويستطيع القارئ ان يلاحظ
ذلك من خلال قراءته لهذه القصيدة.
هاج الضمير اللي بالامثال مطواع = ولاهو بغاوي في سمان التماثيل
يسوقنّه سوق عجلات الاقطاع = ان وردوها من بعيد المحاويل
جانى كلام زبدته تبرى الاوجاع = تشفى الكبود من دون كشفٍ وتحليل
من عندحر ٍكال بالمد والصاع = بالعرف والمعروف يفى المكاييل
وان عدوا الشعار فىكل الوضاع = هرجه ذهب من يسمعه قال تكميل
حر لصعبات المحريف صناع = وتمشى على معنى ومبنى وتبتيل
وذكرتناالمقناص والقلب جزاع = وخوة رجال نشاما حلاحيل
مايخربون الراى هايش وفراغ = والعلم قرضة ملح فوق المعاميل
ودليلة الرحله صميدع وبتاع = عنده شهادة عرف قدوتفصيل
وان جاء توال الليل والصبح مانزاع = قال انزلوا وابااشعل النارتشعيل
وتطلقوا للهيش كاسر وقطاع = وسمعوا لهم صوتٍ مكبر وتهليل
وفزوا كما البارود عجلين فى ساع = وصلوا مع اللى رتل القول ترتيل
وقحص لبيبٍ واوقد النار بولاع = ماهوا من اللى يسحبون الدهاميل
حمس جديد وصار للنجر لعلاع = والهيل فوقه زعفران وقرنفيل
وجاء مثل دم الجوف من فوق الاصباع = وناشوا مع المصفاه تمر مذابيل
والقرص بر وفوقه السمن نقاع = شغل العذارا لابسات الخلاخيل
وجات السوالف بين راوى وبداع = كلام ٍ احلى من حليب المباهيل
مشرهه مادارها كل رعراع = في واديٍ مسقيه وابل المخاييل
وعلومهم ما راحت انصاف وارباع = يمشون صف ويطلبون التساهيل
واول سعدهم صيدهم تسع اتباع = وثلاث صادوهن جوف المداحيل
فى ديرة جاها من الوسم هماع = وارض خلاء ماعجفوها النزازيل
قالوا نبىالمقيال والخطّر وساع = مقناصنا ماهوب للصيد تنكيل
نمشى على خبره ودبره وتوقاع = وجميع ما شفناها معنا مقاتيل
والاصايل جاء لهنه تزلواع = يكن خبط ايمانهنه معاويل
واثر الخزز خابر فعوله ليافاع = يبا يعرضهن الحفى والمصاقيل
وهدن رايه ماتعدن الاقشاع = اللى يباها فى طريقه زهاليل
وصدوا على سرح ٍ فياياه شراع = وبطحا ً نظيفه برحتهاالمساييل
16-Dec-2007, 02:38 PM
المقناص
العرض الشجري