 |
|
|
 |
 |
 |
17-Nov-2007, 10:54 AM
|
رقم المشاركة : 1 | |||||
|
شريحه وجوال
السلام عليكم
يشرفني ان اكون بين احبتي واخواني هذه القصيده نشرها احد الاخوان في منتدى الهيلا باسم الشاعر الكبير ضيدان بن قضعان وفي الحقيقه هذه القصيده منشوره في جريدة عكاض قبل اربع سنوات ومنشوره في مجلة النادي ومجلة حياة الناس ومنتدى المرقاب وغيره من المنتديات المشارك فيها .. وهذا من باب التنويه لااكثر . ارجوا ان تقبلوها كمصافحه اولى لي معكم هنا .... بعد الفقر حطت شريحـه وجـوال يسعـد مسـا جوالهـا والشريحـه كانت تجيني تشتكـي قلـة المـال وتصيح لاجا طـاري الفقرصيحـه تقول ابويـه دايـم الـدوم رحـال وامي كبيره سـن دايـم طريحـه وانت الوحيد اللي لك القـب ميـال دايم يصارحني وانا لـه صريحـه طفله وانا معشوقها بيـن الاطفـال جريح حب وطاح له في جريحـه كنا سوى نرسم على التربه امـال وأحلام تقتلهـا الحيـاه الشحيحـه كم دمعةٍ كانت على الخـد تنهـال واذا نزلت ضاقت علـيّ الفسيحـه الله كم صرخه..وهمسه.. ومـوال الله كـم جـادت علينـا القريحـه الله كـم بيـتٍ كتبـنـاه يخـتـال واقول انا (ضبدان) وانتي( مليحـه) نخيل لوماف السما بـرق وخيـال وانكذب الايـام لوهـي صحيحـه تقول لاحطيت لك بشـت وعقـال وسخّرلك الرحمن عيشـه مريحـه اخاف تتركني على عثـرة الفـال للفقـر ووجيـه الحيـاه القبيحـه وحبيتها بيـن الخلايـق والازوال حبٍ يطول الوقـت محـدٍ يزيحـه وسلمتهـا قلـبٍ تباريـه الاهـوال وطاح الخفوق . وطيحة القب طيحه راحت وخلتني مع القيـل والقـال شاعر صواريف الدهـر تستبيحـه ودار الزمان وغير الحال بالحـال وجاها الزمان بكل ورده وشيحـه فلة ..وخدامـه.. ولكزس.وجـوال وانا عجزت ادفع رسوم الشريحـه اخوكم / شجاع السواط ( مجاريح000) |
|||||
|
 |
 |
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري