قد ميس الريم جافل حذر لو يطرد ..سبوق

[نوماس]

[bkcolor="transparentbkimage="backgrounds/21.gif" border="ridge,5,inpo" et font="Simplified Arabic,5,white,bold,normal" digo" type=2 line=350% align=center use=ex length=0 char="" num="0,black" filter=" glow(color=red,strength=5)"]
انتشى حرفي طرب واعلن مجاراة الخفوق"="وابتدا مشوار جمع خيوط وحيك يالخيال
والعبن بنات فكري والهدف شفته حقوق"="وابتدأ المعنى يبين وينجلي مثل الهلال
وابتدأ طيفك يحاصرني تشكل مثل طوق"="ويقترب مني يقول اشذكرك فيه تعال
قلت انا كيف اتناسا وانت تجري في العروق"="من تلاقينا انا وياه نسيانه محال
انت طيف شلون تدخل بين عاشق ومعشوق"="ليش تشغل كل حسي ليه طولت الجدال
دوم تملى كل كوني دوم للهاجس تسوق"="ماقدر اتحمل كفايه وينهو زاهي الجمال
حبي لطيفك رتى غصب ٍ عليه الك شوق"="ولا طيفك سارق ٍ وقتي وطال الليل طال
من عرفتك مانسيتك من غروبه للشروق"="كل ليل اسامرك والطيف يبدي بأختيال
منيتي والله اشوفك وانت تعرفني صدوق"="ترتوي عيني بشوفك يختفى ذاك السؤال
السؤال اللي محيرني وبين بي فروق"="صح انا قابلتك اول كيف حققت المنال
القصيد يغار منك والحروف لها عقوق"="دوم انا ويا حروفي لاذكرتك في جدال
عذرها يوم ٍ تخاصمني تقول ارتاح روق"="ماتهيض للكتابه لين شفت الليل مال
من غروب الشمس دايم لين حزات الشعوق"="تشتعل كلك مشاعر تعتلي روس الطوال
قلت ماتدري عن اللي حط فالخافق حروق"="ماقدر اوصف خوف مااوفي بس لله الكمال
خشف ريم ٍ لو لمحته نظرة ٍ منه تعوق"="مايقاوم جيش رمشه حصن وجنود ورجال
والخدود ورود وازهار الربيع اللي عبوق"=" واللمى رمان مع لوف الشفق بعد الزوال
لون جمرة طعمها مثل الشهد مااحلاه ذوق"="منوة اللي ظامي وشفقان للشرب الزلال
والشعر اسود مثل ليل ٍ بلا قمرا غسوق"="واكثف من الموج يحجب شمسها مثل الظلال
وابسامه مع هليلات البرد لولو تفوق"="وصف مزن ابيض تحدر تو مايل للخيال
وان تكلم حض حرف ٍ صار من فمه نطوق"="كل حرف ٍ من كلامه جملة ٍ تضرب مثال
حض كلمه حض جمله قالها ذاك الخلوق"="كل كلمه من كلامه بيت رديه يشال
الله الله لو يسولف مابعد هالذوق ذوق"="احتمال اموت ماسمع مثل ماقال احتمال
قد ميس الريم جافل حذر لو يطرد سبوق"="زين قده لو تنبه به رشاقه مع دلال
عينه اليمنى على مرباه وعرات الطروق"=" وعينه اليسرى تحقق دربه لرووس الجبال
مرتعه بالنايفات اللي بعيدات اللحوق"="مايشره في طراده من تمرس بالنزال
وعذاب ا للي تعلق بالوصال وله يتوق"="والله ان ماعاد يرجي فالبشر غيره وصال
يامعني هاجس اللي صار للقيا شفوق"="لاتوصل عقل من يرجيك لحدود الهبال
ضامي لشوفك وله خاطر من بعادك زهوق"="وافي ويرجيك والله وانت عنده راس مال
حافظك حفظه لعينه زايد ٍ في كل سوق"="مايبيعك لو يبيعون الرجال اغلى العيال
كنت تدري وش يخفي خافقه وسط العموق"="بس بعد اللي سمعته والله ان مالك مجال
جاد في وصفك ومهديلك سحاب ٍ به غدوق"="ومعترف مااوفى بوصفك لو تشوف الحبر سال
وحبر عينه في سراب ٍ للورق من عين موق"="ارتوى كل الورق من حبر من دمع ٍ يسال
بعد كل اللي سمعته ماتجي وانا بن روق"="لانحر الشعر بيميني واحرق اوراقي عقال
[/poet]

قصيده كتبتها حديثاً اتمنى ان تعجبكم




بكل ود
اخوكم نوماااااس