قصة وقصيدة عبد الله؟؟؟؟؟؟

هذي القصيده قالها الشاعر عبد الله بن عون في طيره فقد ذهب الشاعر عبد الله بن عون الى ابله وترك طيره عند عياله وغاب عند البل يومين فعندما عاد الشاعر عبدالله بن عون الى بيته فوجد طيره لاحقه ضعف وباين على الطير ان اولاده اهملوه فا الصقار تكون علاقته بالطير وحبه للطير اقوى من حب اي احد غيره فحزة في نفس عبدالله بن عون وهو يراى طيره بهذا الضعف فاخذ طيره وذهب به الى البر وقال هذه القصيده


ياطير عقبي كن خاطرك شاين** خاطرك شين وغيبتي عنك يومين
النقص فيك مبين له بواين**في لمعة الريشه وناظر العين
ياطير انا وياك كنا خذاين **وبيني وبينك ولف معاملا زين
يوم انتخاوى مع اوجيه الضعاين**ونهمل اسبوقك في مناكب اخسيرين
ولا شمال الهظبتين القراين** شرقي طلال ومن سواحيق ويمين
ولا عطينا سكة التابلاين **ولاقد عطيناها عليهن حراذين
نصبح على طارات شهب المكاين**بين العرقيين والاردنيين
فيخايعا به كن عيني تعاين **ربد الحباري على اربع وثنتين
وناخذ على ماينحدر من ضواين**مابين برقع والغذف والبسيتين
وننكف نشاط سالمين الصخاين**وللو كان نتعب عدنامستريحين
قدام يطلع للصقاره زباين**ناسا تحوش القوبعه بم روحين
ليا روحو بمشحنات الخزاي**مافي نحاهم ذوقوه الامرين
واليوم مابيني وبينك امداين ** انا سعودي وانت جايين من الصين
الوقت ماتاليه معنا بزاين **البر في حادور من حين لا حين
ادناه ملين كراتين فاين ** واقصاه ضاق وضيقوبه هل الضين
واليوم كان الي يحاكيك ماين**هذي سبوقك وانتهض بالجناحين
وهاجر مهاجر مبحرات السفاين**للصين ولا اهبط على ضلع قزوين
لو افراقه عندي ماهوب هاين** حنا اعزاز ولا نهين العزيزين
خلك تروح ولا تشوف الغباين** شاملك عفوا مثل عفو المساجين


واطلق الشاعر عبد الله بن عون طيره وهو يودعه بهاذه القصيده وهو يتقطع الما
لوداع طيره

ولكم تحياتي