انته مريحٍ بين غدران وغصون

[خالدالعصيمي]

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حمام ياللي تزعج الصوت بلحون "=

نوحك طرب ما نته بمثلي معنا

يالورق نوحك زادني هم وشجون "=

ارجوك خفف لوعتي لاتغنا

انته مريحٍ بين غدران وغصون "=

وانا عليل وخاطري ماتهنا

مايجتمع يالورق سالي ومشطون "=

كف النياح جزيت بالخير عنا

يالورق انا اشكي واكثر الناس يشكون "=

ومن صوبه سهمٍ من الحب ونا

ابكي على ناسٍ من الحزن يبكون "=

حدر ضعنهم يوم سند ضعنا

وقفت اراعيهم وهم لي يراعون "=

ودموع عيني حدرن واسبلنا

اقفو وهم في كل خطوه يلدون "=

حسبي على منهو علينا تجنا

ورجعت كني بين الاضلاع مطعون "=

مثل الذي صوب براس المحنا



الشاعر

عبدالله بن عبدالرحمن السلوم






-
[/poet]