(( الـهــيــلا ))

[متعب الحشيان]

المفاخر راس قوم المودمـانــي
خص لاصارت له اللابه عتابه

لابـتي يالابـتـي اول وثانــي
يابعد يعرب ويارمـزالمهابه

والله ان بجمعكم تحلا التهاني
بين روق وبين برقا كم تشابه

تسطع الهيــلا بعــذبات المعاني
الكرم والجود من عهد الصحابه

ياعتيبه مشغـلــة بال الزمـاني
فعلكم يشهر على العليا نصابه

للكرم تشهد لكم حدب الصواني
وللشجاعه تشهد الفعل الذيابـه

نرفع الايوان في ريع المكاني
لين نمّـتــه الهبايب للســحابــه

فوق سرج الصافنات المربعاني
وفـوق ذود الشيخ ياربع وقرابه

هاجت الهـمـه وشلنا الصولجاني
من قديم الوقت موروث وكتــابه

نشعل البيــدا مـداد لكل عانــي
شي واصغــرنا تعلمه وربابــه

شعر / متعب آل حشيان العتيبي