خواطر رحلة إلى ملتقى الهيلا

[المقاطي_511]

يامشعل مجهز الجيب الجديد بهـــواه
خل الطوارق إلى الهيلا يلالـــي

جات الخواطر على زينه وممشـــــاه
لعلهـــــا رحلــــة فيها قبـــــــالي

ومخيم الشيخ بن هندي هو منـــــاه
فالملتقى زامياً فوق العلالــــــــي

بملتقــى الهـيلا مـشيد عرفنــــــــاه
مشهور وسط العرب لكل الرجالــــي

ومخدوم من كلش لمن كان ينصـــاه
منهم آلاد الكريزي والضيوف الغوالي

ومفتوح للعتبان واللي لهم جـــــــاه
ولا هــوب مقفـولٍ بكل الحوالــــــي

ويـــاليت كل القبيــلة فيه تمـــــلاه
من أجلهم شيده كَرم السبالـــــــي

بندر ولد نايف المعروف باسمـــــاه
لعله يعوض اللي مات غالــــــــــي

ترى القبيلة تبي منه وترجَّـــــــاه
حق القبيلة غداء يمن وشمالـــــــي

ومن لايعدي عن حياضه بيمنـــاه
وبالفكر والسانه كلوه الهمالـــــــــــي

هذه مفهومي اللي أتوخــــــــاه
وأظن غيري على هذا المجالــــــــي

ويالربع أنا مثل ربعي ونتمنـــــاه
شيخ ولد شيخ معنز خوالــــــــــــي

والمعذرة في القصور وشي ما أبغاه
ما كان لي قصد ولا لي شف بالي