من حكم رشيد الزلامي

[الـــــرويس]

اليا جهلت انشد ترا مابها عيب
لاتنخدع للجهل وانت السبايـــــب
عيب الفتى مابه شك ولا ريب
ترك الفروض وقطع وصل القرايب
العيب ترك ملزمات المواجيب
وتبع الردا وملازمت كل خايــــــب
فالتجربة برهان مافيه تكذيب
وليا جهلت انشد من القوم شايــــب
ولااقول به يوجد شايب(ن)يعلم الغيب
الغيب يعلم به مديـــر الهبايــــــــب
ولكن يوجد شايب(ن) له تجاريب
ومن الدنيا شاف الفكر والعجايـــب
بيض النواصي جبهته كلها شيب
من كثر مامرت عليــــه المصايــــــب
قد صار الدنيا على الخبث والطيب
فالغوص ولا فوق عوص النجايـــــب