الملحمة السلمية

[السلمي العدناني]

للشاعر الكبير عوض بن نامي الحجيري الحبشي السلمي


ياناشـدن عنـا يفيـدك حسبنـا=== حنا ترانا مسعر الحـرب حنـا

حنا سليم اللي عريـب ن نسبنـا=== اهـل بيـوت ن بالمعـزه تبنـا

عز الصديق وحرب للي حربنـا ===حريبنـا فـي نومتـه ماتهـنـا

حنا ليا دارت رحى الحرب اجبنا=== بمصقـلات ن للـعـدا يبتعـنـا

اذا نقلناهـا بالأكـوان صبـنـا=== نشبـع ذيـاب ن للعشـا يقنبنـا

ياما على قب الأصايـل ركبنـا=== وسقنا على الدار المخيفه ضعنـا

نارد حياض الموت ماقـط هبنـا=== والنصر من ماضي شعار ن لهلنا

كم فارس ن بسيوفنا لـه حزبنـا=== ورماحنـا بدمـا عدانـا تحـنـا

واذا وردنا الما لصفـوه شربنـا=== وتقصر حبال الـلاش ماياردنـا

ياطيبنـا للـي بطيبـه قربـنـا=== وياكودنا للي يبـي الكـود منـا

وليا كذب ولد الـردي ماكذبنـا=== حنـا اذا قلنـا تـرانـا فعلـنـا

في فتح مكه للرسـول استجبنـا===فيلق من الفرسان محسوب منـا

عباس ابن مرداس مقدم عربنـا=== اذا دعـا داعيـه محـد ن تونـا

(فحنين) للرب الكريـم احتسبنـا===حتى على النصر المؤزر حصلنا

وفالقادسيـه بالأسـنـه لعبـنـا===خضنا المعارك مع سعد والمثنـا

ياما على بيض الصحايف كتبنـا=== طيب الثنا والمجد معروف عنـا

الساس عدناني به المجـد يبنـا=== ماهي سوالف قوم قالـوا وقلنـا

حتى ملوك الفرس ذاقوا عطبنـا=== والروم تشكي من يدينـا طعنـا

خضنا المعارك لين نلنـا طلبنـا=== كيـد العـدا عـن دينـا مافتنـا

من طيب نبتتنا ومن حسن ادبنـا=== عز (الخوي والجار) من يوم كنا

معززيـن الجـار مهمـا طلبنـا===يثني علينـا كـل مـاراح عنـا

ودن النجور ام القهاوي طربنـا===ودلال ممليـه بهيـل ن وبـنـا

امجـاد شبينـا عليهـا وشبـنـا===وكم واحد ن قبلي بالأمجاد غنـا

والضيف نفرحبه ونبدي عجبنـا=== ونقريه حيل ن بالصيانـي تثنـا

وكل ن بجوده للعـرب ماشذبنـا=== صالوا وجالوا يوم صلنا وجلنـا

عـن العلـوم الطيبـه محتجبنـا=== كل ن بقسمه فـاز منهـم ومنـا

واليـوم ربنـا بفضلـه وهبنـا===امن وعداله جت علـى ماتمنـا

ماعاد لاننهـب ولحـد ن نهبنـا===والفضل بعـد الله لقـادة وطنـا

هم فخرنا هم كنزنا هـم ذهبنـا===هم بيتنا اللي في ظلالـه سكنـا

حلـوا مشاكلنـا وفكـوا نشبنـا===وسهروا لراحتنا وتحقيـق املنـا

عبدالعزيز اللي بـدوره جذبنـا===من ضلمة ن فيها الجهل مستكنـا

وحد على حكم الشريعه شعبنـا===وصارت عصانا واحده واكتملنـا

تحت شعار الدين محد ن غلبنـا ===بالله على كل الأمور استعنا