من عتيبه والاصل تاج الاصيلي

[مرزوق المغيري العطاوي]

اهدا لمنتدانا

ياوجودي وين انا والانشراحا=
=ياحبيبي والمواصل مستحيلي
بين شك وريب واغلاط وصحاحا=
=طالة الرحله وعيت تستويلي
كل ماقلت استوت والنور لاحا =
= راح صبحي من عنايه مثل ليلي
لابسن للغيظ يالغالي وشاحا=
=من ظروف الوقت والحظ العليلي
كل ماقول اعتلا عزاه طاحا=
=الثرى دون الثريا من غليلي
لاعوين ولامعين ولا سماحا=
=العقد بأثر العقد دونك تجيلي
في طريقي في مسا والا صباحا=
=ودي إعّدلها إيليك وبي تميلي
عن نحاك ظروف وقتي بي تناحا=
=ياوجودي ياحبيبي عزتيلي
عايقٍ بيني وبينك مايزاحا=
=لرجابه ياس يالغظ الجميلي
فيه عرف وفيه دستورٍ مباحا=
=عند ناس وناس صعب ومستحيلي
لو اخون العرف اهاجم بالسلاحا=
=من عتيبه والاصل تاج الاصيلي
قلتها واقولها ماهو مزاحا=
=الله اللي صورك مالك مثيلي
في عيوني ماخذن كل النجاحا=
=من على الزينات مقدارك جزيلي

مرزوق العطاوي

آخر تعديل مرزوق المغيري العطاوي يوم 03-Oct-2007 في 05:20 AM.