قصيدة الاستاذ والشاعر سليمان بن محمد العتيبي كاتب زاوية شماليل في جريدة الرياض

[تركي العضياني]

هذه القصيده التي القاها الا ستاذ و الشاعر سليمان العتيبي كاتب زاوية شماليل الشهيره في اجتماع العضيان في مدينة الدوادمي قبل اسبوعين بدعوه من امير قبيلة العضيان بدر الظيط.



يوم ابو بندر على الحفله دعانا

من فجوج الارض لبينا وجينا

عند وجهه فالزمان وفالمكانا

ما تقهقرنا ولا يمكن نلينا

تاركين اشغالنا تقعد ورانا

كيف مانحضر ومقدمنا يبينا

شيخنا واميرنا نسل اومرانا

طيب جا من سلالة طيبينا

ذخر شالح جعل شالح فالجنانا

ذابح الاتراك بالحد السنينا

وذخر ابو مارق معدي عن حمانا

راعي الفزعات سم المعتدينا

وذخر مارق مارق اللي ما توانا

دون برقا وروق مايرخ اليمينا

وذخر نايف نايف اللي مانسانا

وقفته مع ربعته في كل حينا

وبدرنا هو بدرنا شعلة سمانا

نحمد الله شيخنا منا وفينا

مقدم العضيان جعله ما يهانا

فالمواقف نحتميه ويحتمينا

فوق عشرين الف مافينا جبانا

نصرة المظلوم والحق المبينا

وا لقبيلتنا وحكومتنا ولانا

و الوطن والكل له حق علينا