ابدع واسوق اغلى المعاني وازايد

[سمران القثامي]

[poet font="Simplified Arabic,4,black,normal,normal" bkcolor="transparent" bkimage="backgrounds/4.gif" border="none,4,gray" type=2 line=200% align=center use=ex length=0 char="" num="0,black" filter=" dropshadow(color=gray,offx=4,offy=4)"]
قصيدة حب وولاء لرجل نذر نفسه لخدمة دينه ووطنه الا وهو (صاحب السمو

الملكي الامير سلطان بن عبدالعزيز آل سعود )

ياسيدي سلطان جزل القصايد = في ذكر راع الجود تزهى حللها

وتغني الورقاء بروس الجرايد = لاطوعت شرد القوافي لهلها

من هاجسٍ فيه القصيد متزايد = يختار من حلو القوافي عسلها

ابدع واسوق اغلى المعاني وازايد = واقودها قود الفرس وارتجلها

وانظم لها الياقوت عقد وقلايد = وتطرب نواعسها ويكثر خجلها

واصونها عن كل شك ونقايد = ولاوالله ارضى النقص يطرق عملها

واسوقها وافخر براع العوايد= وان جات حملات الشدايد جملها

لاشبت الهيجاء وصاري وقايد = له وقفة ما ينتعوض بدلها

له وقفة تبدي بوقت الشدايد = حامي وعر داره ومم سهلها

لاجا نهارٍ فيه برق ورعايد = تبرق سيوفه والثميدي هللها

ضربه يمينه في نحا كل كايد = تفرق جموعٍ شرها من عملها

واليا زمى الزامي تجيه اللهايد = يكحل عيون المعتدي ويغسلها

زبن المجنى فالليال الزهايد = وان بينت سود الليالي نكدها

من ساس ابو تركي زعيم الجوايد = اللي حمى داره وبدد جهلها

اللي شهر فعله نهار الوعايد = وهلل وكبر والخطى في عجلها

ساق المطايا له فزوع وسنايد= ماله ملادي والفعايل لهلها

له سطوةٍ ماحازها كل قايد = يوم الرمك تلكد ويشهر بطلها

بانت مضاريبه بصدر وفرايد = ورد الرياض ولااهتنىمن نزلها

عقب الصباح وعقب رمي الركايد = برح جناب الدار مما ذهلها

وصفيت مشاربها وجاها معايد = وفاحت له زهور الغلا من نفلها

عساه في جنه وظل وبرايد = اللي حضن داره بعطف وشملها

وصلاة ربي عد رمل النفايد = واعدادزملوق الحياء في عبلها

على نبي جاب خير وفوايد = برسالة علم الزلل ما دخلها
[/poet]