الجادل اللي بالحشا //

[خالد المقاطي]

السلام عليكم ورحمه الله وبركاته

اقدم بين يديكم الكريمه هذه المتواضعه
لعلها ان تنال ربع اعجابكم ::

وهي عباره عن رد مني.. إلى الشاعر سالم المقاطي
ولاكن لآسف قصيده لاتحظرني الان

واليكم ..

الي رقـا فـي عالـي المرقـاب قالولـه رقـا =واللى سقاله شجـرت(ن) محصولهـا بعذاقهـا
ياطارشي ود العلوم اللـى علـى وضـح النقـا =مضمونهـا طيـب ووافـي والـردى ماحاقهـا
سـلام رديـة ومنـي تاصلـك وإلـك البـقـا =ياللـى رقـا فالنايفـات الطايـلات وساقـهـا
بعطيك علم (ن) فاح من صدري وعود(ن) ازرقا =دامه بساطـي احمـدي والنـوم عينـي عاقهـا
الجـادل اللـى بالحشـا بستانهـا حـت ورقـا =ياجوهره راحت وغاصت في عميـق اعماقهـا
وسط اسمها صارت معارك من هقا فيهـا هقـا =شمس (ن) تشع ولاحجبها غيـم فـي مشراقهـا
يالبارق المشبـوب هـل السيـل قلبـي ماسقـا =هلـه علـى بستانهـا ينبـت جديـد اوراقهـا
من عام وانـا عاذلـي ناويلـي بـدرب الشقـا =ما يدري انـه خيمتـن مشقوقـت(ن) برواقهـا
دام العنب عالي وفي قصنـه ولا طـاح اعنقـا =حامض عليه يغص فـي ريقـه وهـو ماذاقهـا
الحظ من حفره ليـا دحديـر والـدرب ازلقـا =كـل مابغيـت اكحلـه اثـري ازيـد اغلاقهـا
ازمـه وبتعـدي ولا بعـد الفـراق ألا اللـقـا =هـذى تـرا الدنيـا وحنـا شاربيـن امراقهـا