منقول ....ذيب الشمري وفهد العازمي

[فارس الباديه]

فهد العازمي:
مرحبا ترحيبةٍ فيها لخلق الله نصيحه=والنصيحه كانت اهل المعرفه تدفع ثمنها
ذيب شاعر من رجالٍ ما يمدون الشحيحه= والغشيم اللي يجي ويروح كفه ما دهنها
ذيب الشمري:
البقا وانصح على كيفك وسرك لا تبيحه =والبدو شدت ولا مدت ومقهورٍ ضعنها
ما عليكم زود بالكاشي والاقصاد المريحه = والرجال اعرف وفاها بالتحدث عن وطنها
فهد:
وش كثر دم الذبيحه يوم ذكيت الذبيحه = واصبحت سته قسوم بقدرها مدري صحنها
قيل فالامثال موت الرجل اخير من الفضيحه= وش فعلتو وش عملتو يوم جيتو من جهنها
ذيب:
ما نقيس الدم والمرحوم ما نحفر ضريحه =والرجال اللى تحاول تمتحنا نمتحنها
جايز المترديه تشرح بطولات النطيحه = والفعايل عندنا يخبركم التاريخ عنها
فهد:
والله انا لو عن اليتمان حينّا المنيحه= كان راهنّا على شمر وصادرنا رهنها
يالسناعيس ازحفو عنا ترا ارض الله فسيحه= لا نولع نيرةٍ ماتمرحون الليل منها
ذيب:
يا مليحين النبا كانت هداياكم مليحه = وابشروا فى ردها والنار ما يبطل دخنها
شمر ارجالٍ تحاجج بالاحاديث الصحيحه= من شعر بالخوف والميله من الدنيا زبنها
فهد:
يوم جينا نتصل بك ليه قفلت الشريحه= ودنا انك تبعد الانشاب وانته تحتضنها
كفو والله مادحٍ شمر ولا تبغى مديحه= مير ياخوفي تعود لغيّها تامر وتنها
ذيب:
اتصالات العميل اللى قناعاته جريحه= نا قةٍ ديكورها طيّب ومسمومٍ لبنها
العروبه سيلها يطغى على سيل القريحه=عندنا ونعز جانبها ونطعن من طعنها
فهد:
قمت لك واحد مقام وطحت لك عشرين طيحه= ما فتل عظمك ياكود اللي تغذا من بدنها
لا تفك الباب زال الباب يدخل منه ريحه= وانت شاعر تسمع الورقاء وتطرب من لحنها
ذيب:
انت قضّيت الليالي كلها فزه وصيحه = واليمن والشام من حولك بدت تكثر فتنها
بيننا مطلوب تصحيح المفاهيم القبيحه= والجهل والحقد والنزوات ما نطلق رسنها