السلام عليكم ورحمة الله وبركاته .......
اخواني الشعراء اخواني الاعضاء اقدم لكم
هذه القصيده كمصافحه اولى اتمنى ان تنول
على رضاكم واستحسانكم وانتضروا مني
المزيد والجديد بااذن الله .........
يالـردي ماهمنـي هـرج ٍ تقـول ولاتهـيـن= الاالـردي مثلـك ومـن رام المعالـي مايهـاب
ولـو تـذم الـذم عمـره مـايـردي طيبـيـن=يشهد الله والرجـال شهـود والمعنـى صـواب
واشهد ان المـدح ماطيْـب عفـون الساقطيـن=والشهـاده حـق واللـي تزعلـه لابـد خـاب
المعـارف ماتعـرٌض عنـد نـاس ٍ عارفـيـن=والضواري نبحهـا ماطـال هامـات السحـاب
الـدروب ادلهـا واعـرف يسـاري واليمـيـن=وان بنيت القاف وافي مانقـص فيـه الجـواب
أركـز المعنـى ويفهـم ماقصـدت الفاهميـن=والهبيله لو يشـوف المـا يقـول انـه سـراب
ان مشيت امشي علـى سلـم الجـدود الاوليـن=وان نصيت فلا نصيـت الا عزيزيـن الجنـاب
وان ضربت فلا ضربت الاعلـى حبـل الوتيـن=وان سكت الصمت بعض احيان هو عين الصواب
وان ضحكت اضحك طبيعي ماخذيـت الاسبريـن=وان حزنت الحزن عـاده عندطلقيـن الاشنـاب
الـردي ماشـال هـم وذا تـرى علـم ٍ يقيـن=والمعالي مالهـا الا مـن لهـا سـاق الركـاب
والمـزون اللـي تهـل ولا مرابعهـا تبـيـن=والله ان من خبث الارض اللي مغرقها السحـاب
لايمـي ماتـدري انـك تشبـه ابليـس اللعيـن=زادك النمـه وغـرات العـرب عنـدك شـراب
لاتـكـل ولاتـمـل ولاتـجــود ولاتـعـيـن=توهم الساري بعونه وانـت ملعـون الصـلاب
خابرينـك لـو تمثـل قصـدك بوجهـك يبيـن=لاتـذرى بالعـرب يامـال قصـاص الـرقـاب
جيـت ابيْـن ماحصـل لكـنٌ وجهـك مايليـن=تجهل المعنـى ومثلـك مابلـغ فيـه النصـاب
ياقليـل العـرف قلـي كـان تفهـم للرطـيـن=وش رصيدك بالحيـا مالـك رصيـد ولاحسـاب
حاجة ٍ صـارت وبيْـن ردهـا فـوق الجبيـن=واحسافة مـن تعنـى مـاادرك افعـال الخيـاب
حول خمس سنين والمالـك يهيـن المشتريـن=ماجنى المالك عطاه ومملكتـه امسـت خـراب
يامراجيـن العـزيـب ويامهـاديـن القطـيـن=والله ان اللي جرى علـم ٍ مثـل لـون الغـراب
العـرب عافـت عربهـا والبقيـه مستحـيـن=لارعى الله من رعـى واطيـن يامـال الذهـاب
فيه حاجـه صايـره والنـاس فيهـا جاهليـن=وان تكلمـت الكـلام يزيـد حزنـي والعـذاب
ياعـرب قومـوا تـرى ماباقـي الا كلمتـيـن=( نخْ) والا(طـسْ) والمعنـى موضـح بالكتـاب
وسلامتكم ......
اتمنى ان تعجبكم وانتضروني .....
تحياتي وتقديري .. بدرعيد ..
آخر تعديل بدرالهبيري يوم 29-Jul-2007 في 02:39 AM.
« آخـــر الـــمـــشـــاركــــات »
29-Jul-2007, 02:11 AM
( حاجة ٍ صارت ) مصافحه اولى اتمنى ان تعجبكم ........
العرض الشجري