ياسحابه أمطري شوق وحنيـن=فوق قلبي لين يروى من ضماه
بالحنان ارجوك ليتك تمطريـن=نزلي عطفك عليه مـن سمـاه
مات قلبي وانتي اللـي تقدريـن=تنعشينه ليـن يرجـع للحيـاه
والله ان الهم في قلب الحزيـن=بانيلـه بيـت ومسـوي سـواه
ارحمي مادام بيـدك ترحميـن=لاتخليـن المعنـا فـي عنـاه
اطلبك حاجه وشوفـك ماتبيـن=ليه ماشفتي حبيبـك وش بـلاه
وليه قلبك قاسـيٍ عيـا يليـن=نعنبو دارك حشا منتـي فتـاه
طحت في حبك بعد طول السنين=كيف مدري بـس يالله النجـاه
انتي اللي تضحكيـن وتقتليـن=رمش عينك سهم والقوس الشفاه
بس لحظه قلتي انـك تعشقبـن=مستحيل العشق ينسا من نسـاه
لو عشقتي ماقعدتـي تجرحيـن=قلب عاشق حاول يترجم هـواه
قام لجلك يلعن ابليـس اللعيـن=ويزهم الهاجوس لين يقول هـاه
ويكتب ابياتـه لعلـك تفطنيـن=عاشقك يابنـت بيحتـي خفـاه
سحابة شوق
العرض الشجري