منقـــــــــــوله +سلطان الهاجري وحبيب العازمي

[فارس الباديه]

حبيب العازمي وسلطان الهاجري




حــــبــــيـــــب:

ابو خذلي من المكياج يوضي كنه المشهـاب =يماري بالذلول اللـي بليـا خـرج وشـدادي

وانا والله ماحب الزحرفه والمظهـر الكـذاب =اجيب الراي من راسي واشب النار بزنـادي

ســــلــــطـــــان:

عليه الله واكبر بالعصا والرمـح والمشعـاب =ونار الحق مشبوبه ونـور الصبـح منقـادي

يقولون العرب ماتحمي الميسم بدون اسبـاب= وانا ماني براعي صدفة مـن دون ميعـادي

حــــبــــيـــــب:

هلا يامرحبا يالهاجري واطلع على المرقـاب =ومد الشوف وتشوف الجمال الحمر في الوادي

ولاتنشد ليا ضاعت جمال حمر عـوج رقـاب =ترى مالك جمل غادي وانا مالي جمل غـادي

ســــلــــطـــــان:

يدوم الك البقا والعلم بين الدقـن والاشنـاب= لكن البس ولبسني ثيـاب بيـض وجـدادي

نجوم الليل ياحبيب حسبناها بـدون حسـاب= وعدينا السنه بشهورهـا هجـري وميـلادي

حــــبــــيـــــب:

تبا تلبس ثياب العيد وتكبر علـى المحـراب= وانا واياك فيما فات نحضـر كـل الاعيـادي

دخلت القبه الخضراء ولاتقفل عليـك البـاب= وانا اوحيت المنادي والمنادي دونـه منـادي

ســــلــــطـــــان:

تحياتي على الحضار واشواقي على الغيـاب= مثل مستور بن تركي وصياف بـن عـوادي

ياسواق السفينه سرها واحذر علـى الركـاب= ترى موج البحر لاهاج يغرق عفش الاجوادي

حــــبــــيـــــب:

ابوزيد الهلالي يعلم ان الرمـح رمـح ذيـاب= ولايقض الطلب هرجه علـى دلـه وبـرادي

سفينة نوح مامونه من التفجيـر والارهـاب= ولوكان البحر موجه يدف السيف من غـادي

ســــلــــطـــــان:

حقوق الطبع محفوظه عن الدجال والنصـاب =وهداف البطوله ياخذ الخبـره مـن النـادي

الا ياللي بنيت البيـت بالعمـدان والاطنـاب= مايربطنا معك ياكود حـق الملـح والـزادي

آخر تعديل فارس الباديه يوم 19-Jul-2007 في 09:33 PM.