ما أقــدر أحكــم ! إحكــم أنت؟!

[يوسف الربيعي]

يحيا العزيز بعزته شامخ الرأس=وألا الذليل يموت في عز ذله
ومن عاش شاف في دنيته كل الأجناس=من كل جنس وكل مذهب ومله
ومن عاند الدنيا توريه الأتعاس=يلقى القهر ويموت في وسط غله
راع الوفا ممشاه مع خيرة الناس=وراع الردى راع الردى صاحب له
ومال الردي في مجلس العز مجلاس=أصلا ولا حتى يجيه ويصله
بعض الرجال أغلى من كنوز الألماس=سيف ليا جات اللوازم تسله
له فزعة تضهر ليا صرت محتاس=ودرب الوفا ماكل رجل يدله
وبعض العرب من تحت الأقدام ينداس=وبعض العرب من فوق راسك محله
وبعض العرب صداقته دوم نوماس =وبعض العرب صداقته لك مذله
وبعض العرب لا مات تجزع له الناس=وبعض العرب لو مات محدن فطن له
لا باس ياقلب يبي المجد لا باس=مادام فعل الطيب فينا جبله
ما عاد فالدنيا مسرات واوناس=عله تقفي عنك وتجيك عله
ما كل كيف يسبب لراسك عماس=والكيف ما تلقاه في كل دله
أعوذ بالرحمن من كل وسواس=ومن كل حاسد شال فالقلب غله
اخذتلي في شبة العمر مرواس=وجربت فالأصحاب من كل شله
ولقيت من ممشى الرديين الأفلاس=ولا كل رجال يناسبك دله
لي فالملا نضره ومبدأ ومقياس=ولا أقول أخذت العرف والعلم كله
لكن لي قدوه عزيزة ونبراس=والجيد أصله للمكارم يتله
والبيت يبقى دام مبني على ساس=وان كان ماله ساس مادام ظله
والآدمي عمره محدد بالأنفاس=رحال في دنياه والقبر حله

منقول

يوسف الربيعي - بني سعد