محاوره مثيره وقويّه بين الشاعرين حبيب العازمي وعبدالله بن شايق

[ابن بريم المقاطي]

هذي محاوره فيها حبيب وبن شايق وكان حاضر المحاوره امير من ال سعود

وابن مكتوم وهذي المحاوره بسببها صار الخلاف بين بن شايق وحبيــــــــــب

حبيب



سلامي على ال سعود وضيوف ال سعود = سـلام بمسـك العـود نسمـة هبوبـه
وطنـا وطنـا منبـع العـز والـجـود =ودحر المعـادي كـان شبـت شبوبـه

بن شايق



انـا بالنيابـه قمـت والخيـر ماجـود=عن الاسـره اللـي ضيفهـم رحبوبـه
بلدنـا مجندنـا وحنـا لــه جـنـود = على السلـم سلـم وللمشاكـل عقوبـه

حبيب



ترى العاقل اللي يعرف النقص والـزود = قبل مايعـرف الـدار يعرفـه دروبـه
بذلنا على وضح النقـاء كـل مجهـود= لكـن انـت لابـدك تلقـي صعـوبـه

بن شايق



ترى العاقل اللي ياخـذ الحـق بشهـود = ونفسك على الطرقه مهيـب مغصوبـه
ليا صـار فالميـدان حـاوي ومـردود = انا اصل العرب واصلي يعرف العروبه

حبيـب



ليا قلتهـا قلـت لـك مانيـب محـدود=ولكـن داب الغـار ينـفـخ ذروبــه
زمان مضى والناس طـارد ومطـرود =كثير العـرب ناخـذ شماغـه وثوبـه

بن شايق



توقـع تـرى فالعـب نـار وبــارود= وراع العيوب اصـد ماكشـف عيوبـه
وانا اقـول ليـلن قربـك جعلـه يعـود = وانـا عـارف قلبـك يحسـب ذنوبـه

حبيـب



رصاص المقمع صفـر مافيـه عبـرود = ولايشفـي الغازيـن لوحاربوبه
وانا اقول صعبه طقـت العـود بالعـود = ولكـن حاسـب والعلـوم محسـوبـه

بن شايق



كثير العرب لو مـات ماهـوب مفقـود =وانا يوم جيت السوق شفـت الجلوبـه
اشهـد عليـك احمـد وحمـاد وحمـود = ارويك وانـت تصـد منتـه بصوبـه

حبيـب



ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه
زمان الهوايل يجمـع البيـض والسـود = واشوف الهوايل جات والوقـت دوبـه

بن شايق



ياويلك من اللي صار والبـاب مسـدود =ترى راعي الساحل يعـرف الرطوبـه
انا لي يميـن وديـن ووعـود وعهـود=لاقـوم اتعجبـك واحطـك عجـوبـه



وسلامتكم