عتيبه الهيلا سهوم المنيه

[اخصائي]

البـــارحه جــالي مــع الشـعر صولات = سريت انا والشعروالنار حيه
جـــني بيوت الشـــعر ياســيف زافـات = اليا و زنت البيت جاني خويه
قـالن نبي معــنى وقــلت ايه لحـــظات = بجــهز الــــبراد والشاذلـــــيه
وفـــي مـــدح ربعي لو مـليت الملفات = مضني اوفي حق ربعي علـــيه
هذا هـــو المـعنى وعنــوان الابـــيات = (عتيبه الهيلا ســهوم المــنيه)
ذبـاحــــة الحـــايــل جـــــبالن مـنـيفات = لطامة العــايل رجــــال الحميه
برقــا وروق اهــل الفـخـر والبطولات = اهل القـلوب السـاطيات الجـريه
مـن فـعــلهم تهــتز حــتي الســروات = ولا فوقـهم ياكــود رب الــبريه
تاريخهم في نجـــد لو فــات مــامــات = تشهد على ما اقـول نجد العذيه
اخــذو ســنام المجــد في نـــجد بـذات = بالغصب ماجتهم بطيب وهــديه
جتهم بضرب سيوف ورماح عجـلات = وبنـدق وشـلفن صـنعهاحـضرمـيه
وراحــو قبائل نجد قــطــعان واشتات = اقــفـــو اجــباري مالــهم مقــدريه
وصرنا بقمة نجد والخـــصم مــابات = مــن حــر مايونس حيـاته شقــيه
نامــر وننها ونـتــحدى حـــكومـــات = مــن قــونا كـــلن عــطــانا تحــيه
واليوم ننعم بامر راخي وخيـــــرات = فــي عــهد ابو متعب حياتن هنيه
في المملكه مافبه حرب وعصابات = الشـــعب واحــد راحــت العنــصريه