رشيد الزلامي ونواف العازمي

[العفريت]

بسم الله الرحمن الرحيم
المحاورة قديمة شوي بس اسمحولي
رشيد الزلامي :
مرحبابالشاعر اللي بالاصل منهم ومنا عد ماخيل خيال الصيف وامطر من مزونه
الوطن هذا وطنكم والوطن هذا وطنا نعرفة وانتم ليا جيتوا وطنكم تعرفونه
نواف العازمي :
البقا بالشاعر اللي كلما راح وتعنا ماحدن يجهل رشيد ولاحدن يجهل لحونه
انت صادق والعروبة مابها شك وظنا فيه ضلع مثل ضلع اطويق ثابت ركونه
رشيد الزلامي:
مثلكم يكسب رضانا وش يدور من زعلنا الرفيق اللي يحب اخشومكم لا تزعلونه
انت يانواف تعرفنا لياسقنا جملنا الصديق اللي وراك ابعيد حطيناك دونه
نواف العازمي:
ياعسى السكين في جنب البعير اللي مثنى وانت تعرفنا ولا نرضى على مثلك مهونه
من عرف درب السلامة غير دربة ما تمنى والرجال تقدر المعروف ماهم يجحدونه
رشيد الزلامي:
الحقيقة مالنا غيرك ولالك غير حنا مار صار العلم مثل الحلم كيف تفسرونه
في نهار العيد ماشفنا لكم كف محنا والرجال يقدسون العيد يوم يعيدونه
نواف العازمي:
انت قبل العام قد شاركت في غزوة مهنا وان عطيتك علم حطة من وراى قلبك ودونه
في نهار العيد كلن له هدف سامي وفنا فيه عود عود طيب وفيه عود يعزفونه
رشيد الزلامي :
علمنا الاول وصلك وعلمك الثاني وصلنا مار يوم الذيب قرط فيك كسرنا سنونه
لو خليناه ياكلكم كبر بطنه واكلنا مار خليناه يربض غصب وانتم تسبرونه
نواف العازمي :
لا تسجلها علينا والخطأ ماهو بمنا فيه ناس غير شخصك يارشيد ايمثلونه