اهداء خاص للشيخ / ماجد بن عمر ابالعلا

[عبدالمجيدالشمري]

هذه القصيدة اهداء خاص مني للشيخ / ماجد بن عمر ابالعلا امير الفوج السابع بالحرس الوطني بالطائف بمناسبة زيارتي له في قصره العامر بالحوية بمحافظة الطائف

مر الزمان اللي به الناس تذكار = ومر الحيا ينبت مع الطيبه بشوق
يفز من دار ابالعلا كنه أقطار = من ساس جدانه للطيب مخلوق
فيه الكرم آية وعلى بابه شعار = زعيم جيل ولو مدحناه بفروق
جزيل كار ولابته كلها خيار = طيب أصل حبه من القلب وعروق
يحتار مد الحرف ولوزدت انهار = امير في طبع النشاما وله ذوق
ماجد زمانه من شيوخ لهم كار = من معدن الشجعان وللكيف منطوق
ماهي مجامل وبالحقيقة من كبار = سيف صقل طيبه على الساري بطوق
في مجلس مفتوح ومع البن وبهار = يسوق فنجاله وعلى المجلس يلوق
مده وفاء ياصل على حد الاعصار = وافي طويل الباع بابه لنا سوق
ابي امدح الطيب وبالكف أشبار = وأبي أتخير في بنا البيت واروق
لأبن الكرام اللي كسا مجده ديار = ماهو غريب الطيب عتيبة لها بروق
خيال يمطر في طنا شمر وسار = يم الشمال وللسناعيس معشوق
من دار أبو مانع على كف الأبصار = يحيي شذا مجد له الطاري يفوق
يحوم في داخل معاليقي وطار = أبشهد بجاهي ولاني بمطفوق
باللي خذا طيبه مع الكيف معيار = حر ولد حر له الساس فاروق
سنام في جيل به العز مشوار = وختامها من مطلع الشمس وشروق
أطيب تحية لأبيض الوجه أختار = أبو الفزاعي ومن جنا طيبه يروق

عبدالمجيد الشمري
الطـــــــ 7 - 3- 1428هـ ــائف