عتبان عتبان والله المستعان

[مزيد بن مغيرق]

غصب(ن) على صيد اسعد كسبنا الرهان=وارتدوا الانذال لقعور الجحور
الفوز لعتيبه حليف(ن) من زمان=ماتغلب الهيلا على مر العصور
عتبان عتبان والله المستعان=ما ينّحى سيل العرم لا جا حدور
ندحم على الطالات بجنوب(ن) متان=ما يرتعد رجالنا قدم الحضور
ولا تختلف هقواتنا في كل شان=نخلف هقاوي بالجلد والحق نور
لامن نحرنا القوم برهاف السنان=نشبع سباع البر وجياع الطيور
ماقد حسبنا للخساير في بيان=ولا نجمع الاموال لبيوت وقصور
نبيدها فالطيب ولكسب السمان=للضيف والعاني ولا يّلقى قصور
يوسف تحيزم واعتزى للكل بان=حر(ن) شهر عدى على كل الصقور
حام العتيبي واعتلا لاعلى مكان=ذلل صعاب الصعب واجتاز البحور
من خلفه العتبان مدهال الامان=مزبن لمن يونس من الايام جور

وليد بن ذعار العصيمي