قصيدتي في حفل سلطان الجلاوي (( كتابيه )) بعد أن وضعت صوتيه ..

[ماجد بن هلال]

بدووووون مقدمات ،،



كانت هذه مشاركتي في الحفل الذي أقامه سلطان الجلاوي يوم الأحد الماضي ،،

سلطان جمعنا ويشكر جهده=أبيض وجه لا جا اللزوم يسده
ماهي غريبه فعلته يا أخواني=عوايده من سلم أبوه وجده
جينا هدفنا يا عتيبه واحد=من كل ديرة والنتيجه وحده
ندعم ممثلنا وحنا نقدر=قد التنافس يا عتيبه قده
أنتم عتيبه والعتيبي يفخر=وقت الرخا ولا بوقت الشده
حنا صناديد اللقا يا عتيبه=من يهتني نومه لا جينا ضده
مرفوع بيرقنا وربي شاهد=وحريبنا فالوقت يلطم خده
حنا دحمنا بالجنوب وندحم=وللمزح وقت ووقتنا في جده
رحنا ننافس والتنافس عادي=نيه سليمه من بعيد المده
وقصايدٍ تشبه لعقد اللولو=قول الصحيح بدون خوف نعده
لكنَ فوجئنا بظلمٍ فاضح=واللي ظلم للظلم يا وش حده ؟
مدري ! لكن حنا ليوسف لابه=ولا بد من دعم البطل لا بده
وش فايدة جوال كلٍ منكم=إن كان فالتصويت محدٍ هده
يوسف نخاكم وأنتم أهل النخوة=عليه رجعت هجمةٍ مرتده
الموت خلفه والبحر قدامه=ما عاد فيها وده ولا وده

وسلااااااااااااامتكم ،،