إهدا للجميع ...

[حكيم الراي]

::

بعد النتيجة المشرفة في ذلك المساء المشهود

تحية من الأعماق

لصانعي المستحيلات

سلام ياربعي عتيبة هل الطيب = كسابة النوماس وأهل المواجيب
اللي لهم في قمة المجد راية = يلعب بها الغربي بروس المراقيب
الكم على الفزعات فعل مردد = تشهد به العدوان قبل الاصاحيب
واليوم جددتوا فعول الأوائل = وأثبتوا أنه "ماعلى عتيبة صعيب"
المال والله ماحسبنا حسابه = لابوه يومنه عوى الذيب للذيب
واللي تحدانا لوأنه زناتي = نركي على خشمه بروس المشاهيب
اليا احتمى الميقاف فاحت دمانا = يفرح بنا اللي طوقوه المغاليب
الشعر لامنا حضرنا تبختر = وإن غابت عتيبة عن الساحة يغيب
واللي يدور حاجة ينتقدها = يتعب ولايلقى علينا عذاريب
كل الخصال الطيبة شامت النا = ماتلتفت لو يكثرون الخطاطيب
فزنا على كل القبايل بوصفين = لطامة العايل و نعم المعازيب
و يابنت ياللي تنقضين الجدايل = في سلمنا مافيك شك ولاريب
أصغر عيالك دام جده عتيبي = تهاب من شوفه طوال الاشانيب
اليا دجرتي وغلبتك الغطاريف = نستاهل وفعلك ترى ماهو بعيب
يالله تبقينا وتنصر بنا الدين = نسجد فقط لرضاك ياعالم الغيب

دمتم شامخين

::