قصيدة في لجنة الظلم والمجاملات ؟؟ وابشر يا يوسف

[مصلح العتيبي]

السلام عليكم ورحمة الله وبركاته

لم اكن أود الحديث عن شاعر المليون البرنامج المشابه لحدٍ كبير لفكرة برنامج ( سوبر استار )
فاستخدموا الشعر والشعراء للربح المادي الكبير والذي يجنونه من رسائل التوصيت
وسوبر استار يتفوق على شاعر المليون في افضلية لجنة الحكام
لن اطيل عليكم
ولكن التناقض الغريب في اللجنة انهم هم من رشح يوسف العصيمي في ظهورة الاول
وفي ظهورة الثاني حصل منهم على 23 درجة من 30
وفي ظهوره الثالث حصل منهم على 22 من 50
شوفو الفرق فكلنا نجمع على ان قصيدته في ظهوره الثالث كانت اروع بكثير من ظهوره الثاني


وقد كتبت عدة ابيات عن لجنة التحكيم الظالمة مع احترامي الشديد للاستاذ علي المسعودي
الناقد الفاهم المثقف والذي لم اكن لتمنى ان يكون مع هذه الزمرة

اللجنة اللي حكمها قد سبقها=ما هم على نقد القصايد قديرين
خلوا رصاص الشعر واخذوا فشقها=وش فايدة جمع الفشق بالميادين
قصايد الشعار هدوا عذقها=واخذوا عجاج الشعر ماهم بصيرين
زانوا قصايد ما تملي ورقها=وارهوا عليها بالمدايح براهين
قالوا صورها والرموز ونسقها=ممشوقة مثل البنات المزايين
أما بديع الشعر نار وحرقها=أفراد لجنة مشبهين البزارين
ياذمة الحكام منهو سرقها =الظلم بين والمحبة للالفين
ارخوا سيوف النقد وزادوا غرقها= في بحر يوسف دون حق وبراهين
دكتور فاشل والقصيدة شنقها=وأصحابه اللي للتفوق بغيضين
يوسف على لحن المعالي طرقها=قصيدة(ن)تعلى على حاجب العين
وماانسى ولد شمر لحون(ن)وفقها=بين البديع وبين حسن ومضامين
والمري الشاعر قلوب وسرقها=كل(ن)سمع له صفقوا له ملايين
والعازمي بأحلى بيوته مرقها=كل النفوس اللي على الذوق مرهين
لكنما حكام شيشة ومقهى=ما يعرفون الا لحون المغنين
اختاروا الالفين زيف(ن)ونقها=وقالوا قصيد(ن)ما يجيبه بسيطين
حسبي على الله كل نفس(ن)خلقها=وحسبي على الله عد حجوا ملبين

وسلااااااااااااااااااامتكم

اخوكم / مصلح العصيمي العتيبي