< خابت ظنـــوني >

[محمد ^ العتيبي]

السلامـ عليكمـ ورحمة الله وبركاته

صباحكمـ / مسائكمـ عســـل

هي مُصافحتي الأولى لكمـ ، كُل المُنى أن تقبلوني وتقبلوا بها وأن ترتقي لذوقكمـ

الحب حس وشوق مابين الأحباب = ماهو مصالح وإلا خوذي وجيبي
الحين أنا يالخاينه صرت لعّاب ؟ = وأنا الذي عامين جرحي عطيبي ؟
مدري نسيتي من فتح للكذب باب ؟ = ومنهو الذي صوّب ومنهو صويبي ؟
كنت أهتوي طيفك وحتى ولو غاب = كنتي جروحي وكنتي انتي طبيبي
كنتي قريبه والملا عندي أغراب = وكنتي شروق الشمس وكنتي مغيبي
وخابت ظنوني والرجا فيك قـد خاب = ومابيّن بعينك وفايا وطيبي
مابي يشـوّه صفحة الحب كذاب = ومابي تكون الخاينه من نصـيبي
وانتي لعبتي وخاطرك بالهوى طاب = وانتي نويتي لعبتك تنتهيبي
خلاص روحي واشبعي صد وغياب = والله معود بكلمتي لو تشيبي
وكاني رجعت وجيت لك شوق وعتاب ؟ = ماني أنا محمد ولاني عتيبي