بـــعـــــض الـمـجــالـــــــس....!!!

[أبو مرحبا]

بسم الله الرحمن الرحيم

السلام عليكم ورحمة الله وبركاته


هذه الرائعه للشاعر : منصور الحبيل العتيبي

المجلس اللي فيه ترتاح الاوناس=يشتاق لك فيه الرفيق بحراره
يفز لك من مجلسه تقل قرناس=سمح الحجاج ودلته عند ناره
مجلس يباهي فيه خلاق الاجناس=كنك ظفرت المرجله بالجداره
بعض المجالس نشتريها بالألماس=وبعض المجالس نعتبرها خساره
غيبة وسب وكذب ومعاير الناس=ابليس ثبت في وسطهم شعاره
واليانصحته عبس بوجهك عباس=وقام يتطاير من عيونه شراره
ياعنك لوجاملت هالنوع تنداس=اللي يحسب ان المهايط شطاره
ما ينفع التلميح في بعض الاشخاص=لازم عليه نشن تسعين غاره
اللي عطاك السان وعيون واحساس=هو ماعطى عقلك شوية وقاره
واحسن لي اترك مجلس فيه الادناس=واطلع مراقيب الفخر والصداره
لا صار مالك مع هل النقص مجلاس=جنب عن اهل الناقصة والحقاره
والعز والله رفعة الدين للرأس=ماهوب زود الفخفخه والتجاره

وسلامتكم

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي