حياكم الله في محل بن حجنه شبيب!!!! شرفو المحل

[عقاب الحويماني]

المشاركة الأصلية كتبت بواسطة متعب المجيولي

عقاب الحويماني مساك الله بالخير

تشكر على الموضوع القيم عن الامير والفارس شبيب بن حجنه

ثالثا"/ أنه في أحد الايام قتلت قبيلة قحطان ولد إحدى نسوان العتبان

(( القاتل نايف ابن بصيص من امطير ))

عند مانتخت في شبيب ذهب هو معه 3 من فرسان ذوي مفرخ هم

1- سليم المجيولي

2- وبنيه الخويطري

3- وحد من القوابعه مايحضرني الحين اسمه بس برجع ل مذكراتي



وعطيك اسمه
ــــــــــــــــــــــــــــــــــــــــــــــــــ ــــــــــ أخوي / متعب المجيولي ــــــــــــــــــــــــــــــــــــــــــــــــــ ــــــــــــــــــــ
حياك الله يابن العم واشكرك على المرور والاضافه وتاريخ بن حجنه طويل عريض ولااقدر بصراحه أجمعه كله وبطولاته جمه .ولايتوقف تاريخ بن حجنه على ماذكرت . لان ماذكرت نبذه بسيطه عن بن حجنه .
إضافة" لبطولات هذا الفارس أن الامير/ محمد بن هندي إستشاره في أحد غزوات بن رشيد على العتبان عندما جمع أمراء عتيبه عن بكرة ابيهم وجتمعو الامراء وتأخر شبيب وإن كل ماجاء أمير من العتبان نزل عن صهوة جواده وخل الخدم يربطونه, وقال أحد الامراء لابن هندي دعيتنا وحضرنا وش العلم , وكان الامير/ بن فهيد موجود ويحب شبيب قال بن فهيد باقي الامير ماجاء يقصد بن حجنه قالو الامراء مابقي أحد قال بن فهيد رايح تشوفونه إذا جاء , المهم جاء بن حجنه الا هو متقلد السيف والرمح والشلفاء يوم وصل المحل وينزل من جواده ويقودها برسنها لين جاء عند راس بن هندي وقال وش السالفه ياطويل العمر ,فرح بن فهيد وقال ذا الامير شوفو هو مثلكم ومن غير قصور في ربعنا. المهم شاوره بن هندي من بد كل الامراء قال بن رشيد غازينا وش رايك يابن حجنه قال الراي رايك ياطويل العمر انت الامير يابن هندي والي تأمربه يصير قال لا اليوم أنت الامير يابن حجنه قال بن حجنه وش إتفقتو عليه ياطويل العمر قال بن هندي الابل نبي نخليها تقفي ومعها بعض الفريس من عتيبه يفتكونها والباقين يناطحون القوم , قال بن حجنه ياطويل العمر كذا الرياجيل كلهم يبون يروحون كلن مع إبله يفتكها ويخليك قال بن هندي وش الراي اجل قال( عرض الابل القوم خل راعي الناقه الغاليه يفتكها ويذبح القوم من دونها) مشو على راي بن حجنه وكان بن حجنه قدمهم بالعليا إبله المعروفه ويحدي يقول:
وضح(ن) تهوم الخد هوم ــــــــــــــــــــــــــــــ وانا علي أبرالها
لاطالعت صبار قوم ــــــــــــــــــــــــــــــــــــ تتكل على خيالها
وهذه الاحديه بسبة القصه المذكوره اعلاه.
وللاسف مايحضرني إسم الوقعه لكن مؤكده في التاريخ وعند الشيبان . وسلامتكم


خامسا"/ إمتلاكه للخيل الاصايل ومرابط الخيول النادره وهي (كروش) (وربدا)
وأنه في أحد الايام قتلت فرس الفارس / شليويح العطاوي (فرده) وهو من فريس عتيبه , وان هذا الفارس ذهب للشيخ/ هذال بن فهيد يستعطيه من الخيل ولكن هذال قال له عندي ناقتين ياشليويح والا الخيل ماهي للعطا. فقام من عند بن فهيد وذهب لراعي العليا شبيب يستعطيه فقال شبيب أبشر (بربدا) وتستاهل لان فرسك ذبحة دون عتيبه ياشليويح , وقد انشد شليويح قصيده لاتحضرني لكنها معروفه لدى

(( شباب ابن حجنه راجع القصيدة وتجد فيه بية يذكر أبو ضيف الله وهي الكنية ل شباب ))

وتسلم يابن العم

المخطي بين الاخوان مثل المدل وبعد إذنك أخوي متعب السالفه على شبيب أكيد وانا شخصيا" سألت ربعنا الحجن وقالو على شبيب ,,,,,,
وسلامتك