على هنوف(ن)تشادي بنت بنورة

[سويلم الشيباني]

مساكم الله بالخير

هذي قصيدة احبيت اني اشارك بها في المنتدى

القلب ياسعود همه ثور شعورة=من قو رجفه ترا ياسعود قزاني
على هنوف(ن)تشادي بنت بنورة=اللي تذيع الخبر من دار ابن ثاني
تلعب بقلبي كما اللي يلعب الكورة=معاد اميز وفرق بين الاخواني
سبحان رب(ن)خلقها بازين الصورة=مهوب زين(ن)صناعي زين رباني
لاوالله الا ذبحتي زيد يانورة=مقيولة(ن) فالمثل من ماض الازماني
وجدي عليها وجود عراقي الثورة=من عقب صدام يحكمه المريكاني
ريس بلاده معلق فوق ماصورة=وطالت يدين النصارى وابن سستاني
مابين يوم(ن) وليلة وانتهى دوره=وصار العراقي مشرد بين الاوطاني
ياسعود صبري قضى والنفس مامورة=انخاك وانخا عيال العود شيباني
ابوه مطعون في يمناه باكورة=يقول لاعاد اشوفك عند بيباني
دور على اللي تساهل قيمة مهورة=مهيب ريم(ن) مهرها غال الاثماني
الشرط لكزز تايوته من كبر جوره=من غير فن الذهب والجيب طفراني
ماغار عشرين عند العود مصرورة=من غار وارد عراوي صنع ياباني
اما رفايد نجيب المال وندوره=ياسعود ولاكفالة عند دياني

اخوكم

فهد الشيباني