رباعيه عتيبه ومطير (الله اللي قطكم مابين برقاوي وروقي)

[مشعل الريمان]

أسعد الله جميع أوقاتكم بكل خير
رباعيه مابين مطير وعتيبه
(الله اللي حول الغزلان في حلوق السباعي )
جمعت
ملفي المورقي وحزام العصيمي مع زيد العضيله وتركي الميزاني
وأتمنى أن تحوز على أعجابكم


تركي

يارفاقة خير طال الليل والدعوى طويله=رتبوا صفينكم واللعب ماهو كل ليله
والزناد يشب ناره لالمس خشم الفتيله=وأن بغيت الصدق ماشال البيوت ألا عمدها

رتبو صفينكم والليله الدعوى طويله =بتدا حسم المواقف وأبتد القاف الرباعي

زيد

ياعتيبه قابلونا وأهرجوا هرج الصراحه=ولانبى منكم ليا كبرت سوالفنا سماحه
كل طيرن نجدته لاجا مطيره من جناحه=وأن بغيت الصدق ماشال البيوت الا عمدها

الرجال لها حدود وتركة الواجب فشيله = أهرجوا هرج الصراحه مال بعض الهرج داعي

ملفي

الكلام اللي تقوله قلته البارح لحالي=قبل لاتبدا السراير بين الأقصى والموالي
وأنت لاتبكي ليا ناظرت في سود الليالي=وأن بغيت الصدق ماشال البيوت الا عمدها

ياصحيبي ياصحيبي سرها باحسن وسيله = الفتى مافي يدينه علم وأمر الله مطاعي

حزام

أستوا الميقاف والمعنى على فني وذوقي=يامطير حقوقكم تثبت وأنا باخذ حقوقي
الله اللي قطكم مابين برقاوي وروقي=أن بغيت الصدق ماشال البيوت الاعمدها

ياطويل العمر تال الوقت مابه مستحيله = الله اللي حول الغزلان في حلوق السباعي

تركي

أنت ياملفي علومك كلها ماهي غريبه=يالصحيب اللي ليا قفى يسولف في صحيبه
والشكوك بعيد ماتاصل مطير ولا عتيبه=وأن بغيت الصدق ماشال البيوت الاعمدها

كل واحد ياولد مزيد عرفنا وش حصيله = والحضيض اللي يسفركم على النقل الجماعي

زيد

لاحصل منا قصور ولاحصل منكم خطيه=والرباع تشاف معروفه مثل سن الثنيه
والمواجه ياعتيبه من عصور الجاهليه=وأن بغيت الصدق ماشال البيوت الا عمدها

ياعتيبي جتك حمى تتبع الحمى مليله = والعرب ماتجهل بس الثنيه والرباعي

ملفي

انت ياتركوه سارن طول ليلك منت داري =عن تحاويل الطريق وعن جديدات الكباري
مار فارقنا مع البيدا وخذ زيد المطاري=وأن بغيت الصدق ماشال البيوت الا عمدها

جنبوا عنا ترا العتبان وطيتهم ثقيله = وأنت ماتصلح هجوم وزيد مايصلح دفاعي

حزام

أن بغيتوها مزوحن عابره والستر دايم=وأن بغيتوها تحدي أقربوا والحظ قايم
ويش تذكر عام الأول يوم عصبنا العمايم=وأن بغيت الصدق ماشال البيوت الا عمدها

أنت شمسك للغروب ومقفيه مافيك حيله = مير هيا ودع المطران قدام الوداعي

تركي

أنت ياملفوه نارك خمدت ماحتر جمرك=والأمر للواحد المعبود وأنت يرفض أمرك
وأنتبه للأوله والثانيه لا طال عمرك=وأن بغيت الصدق ماشال البيوت الا عمدها

الوعد قدام والما ماتغطيه النثيله = والحقيقه يالعتيبي مايغطيها القناعي

زيد

يالثنين الله يعوض فيكم الروقه وبرقى=كل واحد مع ملفات الهدا ينزل ويرقى
وأن بغى يغزي سواة الناس يركب فوق زرقا=وأن بغيت الصدق ماشال البيوت الا عمدها

قالوا أن حزام سافر قلت يامقرب مقيله = ليلتن يبن الشراع وليله يهد الشراعي

ملفي

أنت ويا زيد قومن لاهناك ولا هنيا=عندكم علم يدور بروسكم والحظ عيا
حظكم فوق الثرى وحظوظنا فوق الثريا=وأن بغيت الصدق ماشال البيوت الا عمدها

أنت تدري أنا عرب ماناخذ الدعوى بحيله = نحتميها باللسان وبالضلوع وبالذراعي

حزام

زيد تال الوقت ياشعار مايكتب مايقرا=أحسبنه معه مال وصار من شعار فقرا
وأن غزا مثل العرب مايغزي ألا فوق خضرا=وأن بغيت الصدق ماشال البيوت الا عمدها

أن غزينا مانجيب الفيد من كف بخيله = مانعود لين ناخذ جوخة الشيخ الشجاعي

ولكم خالص ودي وأحترامي