بطولات الغزل

[فيصل الثبيتي]

السلام عليكم ورحمة الله وبركاته

مساء الشعر .. وبوح الشعر واحساسة

هتافة شعرية من هتافاتي التي آمل ان تنال على القليل

من اعجابكم .. وان تروق إلى ذائقتكم ...

بنت ٍ صغيرة .. كنها مطلع النور=ضاقت من هموم الغطارس واهلها
تكتم زعلها .. مير به قلب مكسور=قلبي تكسّر .. يوم حس بزعلها
ام الرموش اللي بها السحر منثور=منهو تدخل في وناسة جهلها ؟!
الله خلقها ما بها عيب وقصور=درة بحر .. ما فيه وصفٍ شملها
إليا اقبلت صفّو ثلاثين طابور=وإليا حكت كل ٍ تمنى عسلها
مخصّرة خصر .. وتواصيف فالحور !=استغفر الله مير هذا شكلها
بنت ٍ صغيرة .. وسط احاسيس وشعور=تلعب بها ما ينتدور مثلها
من شفتها تنشد عن اصحاب القبور؟!=دريت بان الكايادات تحملها
قالت حقيقة .. كل منّا وله دور=لكن عيني .. من يحصّل بدلها ؟؟
قلت العيون اللي بها ظلم ٍ وجور=الساحرات الشاعرات بجزلها
قدمي وانا رجل ٍ من الحب مطيور=طارت بي اللي ما يوقع جملها
ثم ضحكت لحظة .. وراحت على الفور=هلّت دموع ٍ من زمن تختزلها
ثم جيتها كني على الهم مجبور=ماني مصدق كيف يذبل نفلها ؟!
تاج الغلا لا تترك الهم مستور=الا تسولف ما ترتب جملها
ماني عشيق ٍ فوق برطم وحنجور=صعب المشاكل في ضميري سهلها
شاعر فطين ويحكم الراي والشور=يعني بطل .. عند البطولة بطلها
لكن سمّي بالذي انزل الطور=يا مترفه يحلى الغزل في خصلها
قالت وانا طفله ولي اربع شهور=من قبل لا نفسي يحسب عملها
قيل الاودام تصفق بحور ببحور=تمشي على راي الردى من فحلها
والغالية راحت ولا فيه معذور=يوم استغاثت من سمعها .. خذلها
والعالم الراقي رفع حاجب الزور=والناس طاحت في محابيل املها
حاولت اعدل وانفجر عندي الكور=ما يعترف بالناقصة من فعلها
وانا صغيرة سن .. والعلم مخبور=وش حيلة المسكين .. يوم احتيلها ؟
لا تقول لي حب ٍ واحاسيس وشعور=وفّر بطولات الغزل .. يا بطلها

وسلامة كل من يقرا .. فيصل