السلام عليكم
إيه يا نواف لله الأمر = والهبوب تهب ويطير الغبار
ودي أجاريك ببيوت الشعر = والشعر عند العرب لأهله شعار
إستعن بالله والدنيا صبر = والدهر والفقر أيامه قصار
والعباد أشجار والدنيا نهر = بس راع الأخرة يجني الثمار
والدقائق يوم والساعة شهر = والعرب كلن محدد له مسار
فالزمان الشين وأيام العسر = عاشت العربان والدنيا عسار
سوق الأسهم راح مع زيد وعمر = ساعة إيمين والأخرى يسار
واليال السود مافيها قمر = والتداول يشبه إللعب القمار
وأكثر العالم من السوق إنقهر = ويتصبر لين طق إبه الزرار
كم عيونن منه لازمها السهر = مايعرف الليل من وقت النهار
راحت الأوقات والصحة هدر = وأكثر العربان تحجز في شهار
فوت المغرب مع درب العصر = وخسارة من تبع سوق الخسار
بعضهم باع العمارة والهمر = وراح صوب البنك ومنه أستعار
وبعضهم لناس والعالم هجر = وعايشٍ في وسط همه والهجار
وبعضهم خسران ما كنه خسر = وأن سألته قال بكرة الأنتصار
ومن نظر في الناس يشوف العبر = والليالي والبشر فيها إعتبار
ياإله الكون ألطف بالبشر = أنته القادر بيديك الأقتدار
وسلا متكم
« آخـــر الـــمـــشـــاركــــات »
23-Nov-2006, 02:17 PM
إستعن بالله والدنيا صبر ::::::: ( نواف منصور)
العرض الشجري