انا كرهتك

[العفريت]

اناكرهتك يابعد كل غالي # بعد زمان العام كنا حبايب
واليوم مالك وسط قلبي مجالي # خلك بحالك يالعين الصلايب
والله يلولا قدر عم وخالي # انك لتمسي في يديني نهايب
عقب المحبة والدلع والدلالي # بيض ثمان ونشر سود الذوايب
كنت القمر لك عند شهب الليالي # وانا غطا وستارالك وانت غايب
وانا جملك ان صار شد الرحالي # وانا حصانك في نهار الحرايب
وانا الجواب اليا لقيت السؤالي # وانا لسانك لابغيت الطلايب
وانا لك المكسب ولك راس مالي # وانا ذراعك فالظروف الصعايب
واليوم تجزيني بصد وجفالي # ونقصت من قدري ولا انته بهايب
نسيت يوم انك مع الناس تالي # حشاك انا المخطي ولاني بتايب
اخطيت يوم اني جعلتك معالي # والاانت من بين الحصى والترايب
اخطيت يوم اني فديتك بحالي # راي خطاءمني ولا هو بصايب
انا الذهب وانته نحاس وبالي # وانا الوفا وانت الغدر والعقايب
انا البحر وانته نسيم العوالي # ةانا الجبل وانته مجرد هبايب
حسيبك الله يابعد كل غالي # وانا كرهتك بعد كنا حبايب