قصيده للشاعر زبن بن عمير

[ماجدالعتيبي]

بسم الله الرحمن الرحيم

السلام عليكم ورحمة الله بركاته :
هذي قصيده لشاعرنا الكبير زبن بن عمير وهي موجهه لأبنه عمير بن زبن أتمنى انها تعجبكم يا الله

ياعمير زجّ الدمع ياعمير زجّه................. ومادكّ في خاطرك يا عمير هاته

سيّرقدمك بشفّ بالك وسجّه.................. والرجل لذّاته بتالي حياته

لاصار رمح الودّ قلبك يخجّه....................مايبري المطعون كثر انهتاته

وباب الضمير اليا تضايقت هجّه................أظنّ قلبك يستعيد افرحاته

وأبوك دمعه من عيونه يكجّه .................ولا سرّته بالودّ كثر اعبراته

أتعب قدم رجله وقلبه يفجّه....................لذوق الغدير وذوق لذّة نباته

وان دق طيفه في ضميره يلجّه.................ولاهوب يسمع عاذله بشهواته

ومن لامني غبر الليالي تضجّه.....................بقطف الثمر من فوق روس امّهاته

واللي بنى بيت(ن) للامه تحجّه.................... وفرض على الخلق الصيام وصلاته

اني فلا أنسى ريحها اللي تنجّه......................ومشي(ن) على العشب الخضر وثمراته