فهد المفرج وصوتيه رائعه لا تفوتكم

[فيصل المسعودي]

الشاعر /فهد المفرج




http://www.5ymah.org/up/uploads/8c4ed6165e..ra

ياعينـي كفـاك دمـوع ياعينـي =نثرتـي عبايـرك وفضحتيـنـي
أمانه تـرى اللـي فـي كافينـي=ونفسي علـى الكايـد معرّضهـا
وانا لو دموعي تحـرق خـدودي=حشـا مااتعـدّا منهـج جـدودي
وراسي ماينـزل دامـي سعـودي=فريضـه ورب البيـت فارضـهـا
والا ياحبـيـبـي لاتـحـدانـي=ترى اللي وصلنـي منـك كفانـي
معنّـا وحـب التـرف عنـانـي=وشكـواي للمعـبـود افوضـهـا
ترانا من اسباب الهـوى مرضـى=وبالـذل والهجـران مانـرضـى
او انك تحسب ان الهوى فوضـى=تعـرّض لخلـق الله وتمرضـهـا
تحسب المحبـه لعـب ياالغالـي=وانا اللي من اسبابك نحل حالـي
واذا فيه كلمـة حـق قلهـا لـي=وانا يمكـن اقبلهـا او ارفضهـا
ويابنـت ,, قلبـي علتـه علـه=ولاادري وش اللي منك جار ٍ لـه
غرامك غـزى موطنـه واحتلـه=خسايـر عسـى ربـي يعوضهـا
وانا اللي ذبحني صدق ياموضـي=تغاضيك عن شرحي ومعروضـي
والا ياظبـي ماقلـت مفروضـي=واخوض البحور ان قلت لي خضها
ولـكـن امـانـه لاتضيـعـهـا =وداعـه وانـا عنـدك مودعهـا
وملعـون شاريـهـا وبايعـهـا=عهـود ٍ قليـل العـرف ينقضهـا