قصيده قالها في احد الامراء القطريين نتيجه افعاله عند البل وذلك ما اغضب الشاعر.

[هلال الدوادمي]

هذه القصيد قالها احد الشعراء ولا يسعني ذكره عندما ذهب الى
احد مخيمات الامراء وكانت معظم ابل الامير تحمل وسم قبيلته
وعلى طول النهار لم يلاحظ شي وعندما حل الليل اتى الامير بالشموع
واتى بامور لا تــــــحمد عــــقباها؟؟؟؟؟؟

ياسعيد ابن عرفان قم شغل الجيب=شفني من البارح على راس كوعي
يتلني الهاجوس تل الكلاليب=ولولا التتن كان ماهديت روعي
قلت ماني بمن تثني علي الشواكيب=وانا ثنيته في مثاني ضلوعي
لولاه من يحرز خضار المناديب=اللي تحت كفي وبأمري وطوعي
ياما قطعت من الغياهب غياهيب=سود الليال متيهات الجموعي
(والبارحه يارعي الفطر الشيب=ذودك يذكرني بمعزت ربوعي
اهل البكار السود حرش العراقيب=قبل احتلال الترك دار الشيوعي
وانا على طار لها والاشانيب=قربت فنجالي وتمرة قدوعي
واقول يامعزب وكيل المعازيب=ابعد عليك من الثريا خضوعي
ياشيخ لاترسل علي المناديب=مادام طبعك مايناسب طبوعي
الله عطاني نفس طير وعضم ذيب=واليا لحقني جوع شديت جوعي
عيشة حرار الصيد عكف المخاليب=ماهيب عيشة مشعلين الشموعي
جيتك عزيز النفس ياشيخ مانيب=رجل على خزنة رصيدك دنوعي
وقفايتي منك ترا مابها عيب=العيب والله عقب ما اقفي رجوعي