((طاش ماطاش))تاريخنا ماهوب فى طاش ما طـاش

[أبو نجر النفيعي]

مساكم الله با الخير..

هذي القصيده الجزله للشاعر
سالم بن جخير ...

لبارحه غنّيت يـوم الفكـر شـاش=وأسرجت قيفان البيـوت الجزيلـه
مانيب أجيب ابيات شعرى على ماش=شاعر ولا اجيب البيـوت الهزيلـه
يا نفس شومى واعتلى فوق مبداش=ومبداش روس النايفـات الطويلـه
احداش عن درب المقفين واحـداش=عن غلطة الجاهل وعن كل ميلـه
جعل الردى يفداش واللاش يفـداش=واهل الحكى واهل النفوس الثقيلـه
يا غلطة الجهّال وشلـون ننسـاش=شلون ننسـى بيـن ليلـه وليلـه
المسأله ماهيب تصويـر وافـلاش=المسأله غايـه وليسـت وسيلـه
يا شلّة الجهّال مـا عـاد منهـاش=لا وصلت الدعـوا لـراس الفتيلـه
يا خيّلا البل طشت والراس لا طاش=ماهوب راكد ليـن يشفـى غليلـه
حنّا هل الوقفه من الطاش للطـاش=ناقف الـى بـار العميـل بعميلـه
حنّا عذاب القوم مسـرى ومغبـاش=اهل القنا واهل السيـوف الصقيلـه
علومنا ماهيب فـى راس قـرواش=وماهيب فى راس الخبل والحليلـه
إلى نوينـا الشـى ينّـاش ينّـاش=ناتى على قـبّ المهـار الاصيلـه
تاريخنا ماهوب فى طاش ما طـاش=تاريخنـا يمطـر سـوات المخيلـه
ما عندنـا هافـى ولا عندنـا لاش=يكـرم نبانـا عـن دروب الرذيلـه
والمهره اللى عرشها داخل الجـاش=ما مثلها فـى ناقضـات الجديلـه
حنّا لهـا بافعالنـا ستـر وفـراش=حن سترها من دون برقع وشيلـه
حنّا لها محـزم ومدفـع ورشـاش=من الجنـوب اليـن حـد المسيلـه
يا خلطة العنبر بعد مـا كشفنـاش=مع الهوى رحتـى بليّـا حصيلـه
تسدّحى واللـى تسـدح بطريـاش=اقصى علومه بيـن قالـه وقيلـه
مثل القصب لو يجتمع داخل فـراش=يذوب لا من المطـر سـال سيلـه
هذا كلامى وافهموا زبدتـه كـاش=والهرج دايـم زبدتـه فـى قليلـه
امّا يعيش الراس بالعـز لا عـاش=وإلاّ ممـات العـز دون القبيـلـه

التوقيع

.....