قصيدة لشاعر خلف بن هذال العتيبي

[عتيبي معاصر]

احب اقدم لكم قصيده لاحد رموز بل اهرام الشعر والذي لا يختلف عليه اثنين


وهو الشاعر الكبير خلف بن هذال العتيبي


وما احب اطول عليكم بالكلام لكن يقول ابو هذال ......

ياخي ما شفتـه مـع السـوق ياخـي=ولا ذكـر لـك لـو دونـه مسـافـه
الله يبلـى مـن بلانـي وانـا حــي=بالغصـب طوعنـي بليّـا عسـافـه
يا طي قلبي طـي طـيٍ علـى طـي=طي الجرايـد فـي مطابـع صحافـه
عليك يا جافل من الريـح يـا ظبـيي=ـا شيـن قلبـك مـا بقلبـك مرافـه
كويـت قلبـي كيتيـنٍ علـى كــي=بصيـاخ نــار وكلفتـنـي كـلافـه
جرحٍ نجيض وجرح توه حـدث نـي=ومامن نيات الجـرح غيـر الكسافـه
وما يشكي المسكين يا كود مـن شـي=امـا مـرض ولا محـبـة ولافــه
والولف مثل الشمس تلحق على الفـي=وكـم عاشـقٍ نثيـل قبـره لحـافـه
ومن ناقل الاقوال جانـي خبـر سـي=قالـوا: قمـر عشريـن باكـر زفافـه
وخذت لي مـده وانـا حـن وابكـي=عليـك يـا سـر الشـرف والنظافـه
قالوا: علامك بك بلى ؟ قلت : وش بي!=بلاي مـن عـذرى عليهـا الحسافـه
وهي الحسوفه قالوا : الناس من هي ؟=ثم قلت : ما منكم ولا شخـص شافـه
نـوى يغيـب ونيـة الخيـر تنـوي=وعفت الوطن يوم ادعج العيـن عافـه
وغاب وسكن شرقي جبل حاتم الطـي=ذاك الجبـل قدمـه وسلمـه خـلافـه
يـوم إن بابـور المحـبـه مـرسـي=الله مـن بـحـرٍ تعـابـه وطـافـه
واليوم بطن البحـر خالـي ومصفـي=ومستوصف العاشـق يطـوّل اسعافـه
انت الذي تهدم غرامـك وانـا ابنـي=بنيت قصـرٍ كبـر قصـر الضيافـه
قصرٍ يسجل فيه اسمـك مـع اسمـي=ياللـي درسـت المعرفـه والثقـافـه