عسى ما شر يابيروت صرتي للأسـى عنـوان= شكيتي من جراحك للخلايـق وامـة إسلامـك
تهدم صرحك الشامخ ولا كنـه خلـق لبنـان = تقل بالضبط ما صرتي ولاحدن شاف هندامـك
معك قانا بكت ذاك الرضيع ولَبْسَـتْ الأحـزان = صحت من نومها ثكلى تئن وتلعـن إخصامـك
تئن وجرحهـا دامـي تئـن ودمعهـا هتـان = تئن ولا حـدن قـادر يوقـف نـزف حمامـك
ضحية من بغى واجرم ولبَسْك الجروح الـوان = زرع فيك الوهن حتى تغلغـل داخـل عظامـك
تئن جروحك الثكلى وتـروي قصـة العـدوان = تترجمها دماء أطفالٍ كتبهـا الحـرب بركامـك
تبيها تاصل الصرخة لعالم في سماء النسيـان = لعالمك الضعيف اللي خذلـك وجفـف أقلامـك
وش اللي ننتظر منهم هل التلمـود والرومـان = أيعقل ننتظر منهـم تجـي وتناصـر اسلامـك
أيعقل ننتظـر ذاك الوغـد وبليـر والحيـوان =تجيك تبوس لك راسك وتطوي صفحة آلامـك
غريبة كيف هذا الصمت خَيَّم في سماء العربان = عسى ما شر يا لأمة وش اللي بعثر أحلامـك
تبين العون من بوش اللعين وزمـرة الطغيـان = أجـل نامـي هنيئـاً ياعروبتـنـا بخـدامـك
صلاح الدين مات وليت له في هالزمان أخوان = بربي كان في ظله هل التلمـود مـا ضامـك
وليت المعتصم عايش ويسمع صرخة النسوان = تخيَّل وش يسوي لو سمع في صرخة أيتامـك
هذاك الوقت ما شاف الجرايم وأسـود الدخـان = ولا قـدام عينـه شاشـة التلفـاز واعلامـك
هذاك الوقت قالوا له أَمة داسوا لها القيطـان* = على ارضك عند ذيك القلعة اللي في ربى شامك
وقامت نخوته تغلـي بصـدره كنهـا البركـان=ماهي نخوة سلاطينـك ولا جنـدك وحكامـك
وقف لله واقسم له وصفـوا خلفـه الشجعـان = مشى منها على التوحيـد والله ينصـر أيامـك
هذاك القايد اللي لو سمع وش صار في لبنـان = وغزة مـا تهنـى فـي تفافيحـك وشمامـك
متى يولد لنـا مثلـه يحررنـا مـن الخـذلان = يكون من الشجاعة ما يعلـي رايـة إسلامـك
منقوول
« آخـــر الـــمـــشـــاركــــات »
07-Aug-2006, 02:33 PM
عسى ما شر يابيروت صرتي للأسـى عنـوان
العرض الشجري