ولد واحد ودونه عوى الذيب

[متعب الدله]

هذي قصة الديري وقصيدته اللي ارسلها لصاحب السمو الملكي الامير نايف بن عبدالعزيز آل سعود وزير الداخليه
والديري هو الديري بن هزاع الثبيتي العتيبي
والديري مارزقه الله من الذريه الا ولد واحد اللي هو هزاع ماكتب له الله غيره الحاصل قسم الله وتوضف هزاع بالأمن العام تحديداً بالجوازات تعين خارج سكاكا اللي كان مقيم فيها مع والده الحاصل بغى الشاعر الديري يدبر لولده نقل لسكاكا الجوف لانه هاك الحين محتاج لرعايه بحكم كبر السن وقام ونظم هالقصيده الرائعه اللي بعدها رد عليه صاحب السمو الملكي بنقل هزاع لسكاكا في حينها

لقصيده

الحمام بعاليات المراقيب
عليه من عسر الليالي الخفيف
******
هيض غرامي واحترفت بهناديب
وهلت دموعي فوق خدي ذرايف
******
يوم آتذكر لابتي ولاصاحيب
ومجالس ٍ فيها علوم وطرايف
******
واليوم لاش منهم داعي ولا مجيب
حدر الثرى بنيت عليهم سقايف
******
وأنا من اللي ماكشف سرة الغيب
والله ان قلبي مرحفٍ منه خايف
******
ياراي جب لي غيابتك وانا اجيب
وش انت لي ياراي اليوم شايف
******
لابد بالأريا خطار راي ومصيب
يالله برايٍ مايجي به حساياف
******
الراي قال انحر حصان الأطليب
نايف ولد نايف على كل نايف
******
عبدالعزيز اللي روى المغاليب
ليا ثار عج الخيل يروي الرهايف
******
مع ساقته سرد السبايا جناديب
نهار لونه يفوق(ن) الولايف
******
هجاد بجاد العدو مورث الهيب
بالطيب تشهدله جميع الطوايف
******
اللي رهجها لين صفا المشاريب
خلى الغنم والذيب تمشي ولايف
******
يانايف الممدوح يامنقع الطيب
يازين من مثلي لحسناك ضايف
******
عساك تنظرني بحشمه وتوجيب
وتجود بي وتصير بالحال رايف
******
راح الشباب وصار الكبرفيني العيب
امشي بليا عزم وحالي كسايف
******
لي مطلبٍ عندك هوين مطاليب
يثقل على غيرك وعندك خفايف
******
لي ولد واحد ودونه عوى الذيب
موظف جوازات بقلعت تنايف
******
طالبك نقله بالقوانين ترتيب
بعسكر سكاكا شاغرات الوظايف
******
وبالعروة الوثقى عسى لك مقاضيب
وبالعز والصحه عساك امتكايف
******
قل تم يامئدي جميع المواجيب
يازين من مثلي لحسناك ضايف